The news is by your side.

Advertisement

کیڈٹ کالج کا طالبعلم محمد احمد آئی سی یو سے وارڈ میں منتقل

نیویارک : لاڑکانہ کیڈٹ کالج کا طالبعلم محمد احمد مشوری امریکی اسپتال میں تیزی سے روبصحت ہے، تشدد کے شکار بچے نے پاکستان زندہ باد پاک فوج زندہ باد کے نعرے لگائے اور وزیراعلی سندھ کا شکریہ ادا کیا۔

تفصیلات کے مطابق لاڑکانہ میں ٹیچر تشدد کے شکار کیڈٹ کالج کا طالبعلم محمد احمد امریکی اسپتال سن سٹی میں تیزی سے صحت یاب ہورہا ہے ، محمد احمد کو آئی سی یو سے وارڈ میں منتقل کردیا گیا ہے، احمد نے پاکستان زندہ باد اور پاک فوج زندہ باد کا نعرہ لگایا اور وزیراعلی سندھ کا شکریہ ادا کیا۔

ڈاکٹرز کے مطابق احمد کی طبیعت میں پچیس فیصد بہتری آچکی ہے اور معمول کی بات شروع کردی ہے، احمد کو سترہ مارچ کو ہوٹل منتقل کردیا جائے گا، حکومت سندھ کے نمائندے ظفر ہاشمی احمد کے ساتھ ہی رہیں گے۔

muhammad-ahmed-post-1

کیڈٹ کالج کا طالبعلم محمد احمد علاج کیلئے امریکہ روانہ

واضح رہے کہ احمد  17 فروری سے اوہا کے سن سٹی اسپتال میں زیرعلاج  ہے اور اس کے علاج کے تمام تر اخراجات سندھ حکومت برداشت کررہی ہیں۔

یاد رہے محمد احمد حسین کو لاڑکانہ کیڈٹ کالج میں ایک استاد نے مبینہ تشدد کا نشانہ بنایا جس کے بعد اسے پہلے مقامی اسپتال میں داخل کیا گیا۔

میڈیکل رپورٹ کے مطابق طالب علم پر بھاری چیز سے ضرب لگنے کے شواہد ملے ہیں جس کی وجہ سے وہ آکسیجن کی کمی کا شکار ہوگیا اور دماغ کو آکسیجن نہ پہنچنے کے باعث وہ ذہنی استعداد کھو رہا ہے۔ ڈاکٹرز کا کہنا تھا کہ احمد کا علاج پاکستان میں ممکن نہیں۔

احمد کے والد نے وزیر اعلیٰ سندھ سے بچے کے بیرون ملک علاج کے لیے اپیل کی تھی جس کے بعد وزیر اعلیٰ سندھ نے امریکا میں احمد کا علاج کروانے کی منظوری دی تھی۔

Print Friendly, PDF & Email

Comments

comments

یہ بھی پڑھیں