اس مضمون میں موجود تصاویر کو دیکھ کر آپ کو کیا محسوس ہوا؟ اگر آپ سمجھ رہے ہیں کہ یہ کوئی کارٹون یا پینسل سے بنایا گیا اسکیچ ہے تو آپ کا جواب سو فیصد غلط ہے۔
یہ تصاویر ایک حقیقی ریسٹورنٹ کی ہیں جو کسی کامک بک جیسا نظر آتا ہے۔
روس کے کیفے بی ڈبلیو میں داخل ہونے والا چونک جاتا ہے کیونکہ اسے لگتا ہے کہ وہ کسی کامک بک کے کارٹونز کی دنیا میں آگیا ہے۔ یہ ایک 2 ڈی کیفے ہے اور اندر داخل ہونے پر لگتا ہے کہ جیسے آپ حقیقی دنیا اور کارٹونز کی دنیا کے درمیان پھنس گئے ہیں۔
View this post on Instagram
وہاں آنے والے افراد کو بالکل منفرد تجربہ ہوتا ہے کیونکہ 2 ڈی اسٹرکچر نہ صرف دماغ کو چکرا دیتا ہے بلکہ ان کے اندر عجیب سی کیفیت بھی جگاتا ہے۔
View this post on Instagram
View this post on Instagram
نومبر 2019 میں اس کے افتتاح کے بعد سے یہ کیفے روس میں انسٹاگرام کے مقبول ترین مقامات میں سے ایک بن چکا ہے۔ یہاں کی دیواریں، پردے، فرش اور فرنیچر سب بلیک اینڈ وائٹ ہیں اور اس طرز فکر کا اطلاق کیفے کی پلیٹوں اور کپوں پر بھی کیا گیا ہے۔
یہ کیفے اپنی کافی کے لیے جانا جاتا ہے جبکہ یہاں آنے والے مختلف میٹھے پکوان بھی بہت شوق سے کھاتے ہیں۔
View this post on Instagram
View this post on Instagram
View this post on Instagram
کیفے کو بنانے والے اس کے مالک سولبون نے بتایا کہ اس دلچسپ ڈیزائن کے کیفے کو کھولنے کا فیصلہ انہوں نے سنہ 2019 میں کیا اور ابتدائی مرحلے میں ہمارے پاس محض ساڑھے 3 لاکھ روبلز تھے، اتنے کم پیسوں کے ساتھ پورے کیفے کو کھولنا ممکن نہیں تھا جبکہ ایک لاکھ روبل کرایہ بھی ادا کرنا تھا۔
انہوں نے مزید بتایا کہ اس مشکل کو مدنظر رکھتے ہوئے ہم نے ایسے مقام کو تشکیل دینے کا فیصلہ کیا جس کی سجاوٹ حیران کن حد تک چونکا دینے والی ہو، اس سجاوٹ میں محض ایک ماہ لگا اور سو کلو گرام پینٹ استعمال کیا گیا۔
ان کا کہنا ہے کہ وہ اس کیفے کی مقبولیت پر بے حد خوش ہیں۔
