قاہرہ : روس کا مسافرطیارہ مصرکے صحرائے سینا میں گرکرتباہ ہوگیا۔ طیارے میں عملے کے سات ارکان سمیت دوسوچوبیس افراد سوارتھے۔
ہلاک ہونے والوں میں سترہ بچے بھی شامل ہیں۔ غیرملکی میڈیا کے مطابق روس کا مسافرطیارہ مصرکے شہرشرم الشیخ سے روس کے شہرسینٹ پیڑزبرگ جا رہا تھا۔
طیارہ پرواز کے کچھ دیربعد ہی گرکرتباہ ہوگیا۔ مصر کے وزیراعظم شیرف اسماعیل نے طیارہ گرنے کی تصدیق کی ہے اور بتایا ہے کہ یہ طیارہ سینا میں گر کر تباہ ہوا ہے۔
غیر ملکی خبر رساں ادارے نے روسی اور مصری ائیر ٹریفک کنٹرولرز کے حوالے سے بتایا ہے کہ یہ طیارہ اچانک ریڈار سے غائب ہو گیا اور اطلاعات کے مطابق صحرائے سینا میں گر کر تباہ ہوا ہے۔
روسی ہوا بازی کے حکام کا کہنا ہے طیارے کے پائلٹ نے طیارے کی تباہی سے چند لمحے قبل کنٹرول ٹاورکوپرواز کا روٹ تبدیل کرکے قاہرہ میں اترنے کی درخواست کی تھی۔ جائے حادثہ پرامدادی کارروائیاں جاری ہیں۔
