site
stats
پاکستان

کیلیفورنیا حملہ، امریکا نے کوئی ثبوت نہیں دیے ، وزیراعظم ہاؤس

اسلام آباد: وزیراعظم نواز شریف کے ترجمان نے لندن میں وزیراعظم کی کسی امریکی نمائندے سے ملاقات اور نمائندے کی جانب سے کیلیفورنیا حملے کی ملزم تاشفین ملک کے لال مسجد سے روابط کے ثبوت دیئے جانے کی تردید کردی.

وزیراعظم ہاؤس سے جاری کیے گئے بیان میں ترجمان کا کہنا تھا کہ وزیراعظم کی لندن میں کسی امریکی نمائندے سے ملاقات نہیں ہوئی اور اس حوالے سے میڈیا پر چلنے والی خبریں بے بنیاد ہیں۔

گزشتہ روز میڈیا رپورٹس میں ذرائع کے حوالے سے بتایا گیا تھا کہ وزیراعظم نواز شریف سے لندن میں ایک سینیئر امریکی نمائندے نے ملاقات کی اور انھیں امریکی صدر براک اوباما کا پیغام پہنچایا.

رپورٹ کے مطابق امریکی نمائندے نے وزیراعظم کو کیلیفورنیا واقعے میں ملوث تاشفین ملک کے اسلام آباد میں قائم لال مسجد کے خطیب مولانا عبدالعزیز سے روابط کے ثبوت فراہم کیے اور بتایا کہ ملزمہ تاشفین کے گھر کی تلاشی کے دوران ان کی مولانا عبدالعزیز کے ہمراہ لی گئی تصاویر بھی برآمد کی گئیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top