کیلیفورنیا : انتہا پسند پولیس اہلکاروں کی جانب سے مسلمان خاتون کا حجاب کھینچنے پر کیلی فورنیا کی عدالت نے متاثرہ خاتون کو ہرجانہ ادا کرنے کا حکم دے دیا ہے، مذکورہ خاتون کو شہری حکومت نے پچاسی ہزار ڈالر ہرجانہ ادا کرنے پر آمادگی ظاہر کردی۔
تفصیلات کے مطابق امریکی ریاست کیلفورنیا میں مرد پولیس اہلکاروں نے سال2015میں جس مسلمان خاتون کرسٹی پاوئل کو زبردستی حجاب اٹھانے پر محبور کیا تھا، پولیس اہلکاروں نے خاتون کو ایک بس اسٹاپ پر درجنوں مرد افسران اور قیدیوں کے سامنے حجاب اتار کر گرفتار کیا اور انہیں ساری رات حوالات میں رکھا۔
مسلمان خاتون کرسٹی پاوئل نے عدالت میں مقدمہ دائر کیا تھا کہ پولیس اہلکاروں نے زبردستی ان کا حجاب اتروا دیا تھا۔
امریکی میڈیا کے مطابق کونسل آن امریکی اسلامک ریلیشن نے کرسٹی پاوئل کی جانب سے کیلوفورنیا شہری حکومت پر مقدمہ دائر کیا تھا،عدالت نے خاتون کو 85 ہزار ڈالر بطور ہرجانہ ادا کرنے کا فیصلہ سنا دیا ہے۔
برطانوی نشریاتی ادارے بی بی سی کے مطابق اس واقعے کے بعد محکمہ پولیس نے مذہبی طور پر سر ڈھکنے سے متعلق اپنی پالیسیوں میں تبدیلی کی ہے۔
اس نئی پالیسی کے تحت اب صرف خواتین پولیس اہلکاروں ہی کو اس بات کی اجازت ہے کہ وہ مرد پولیس حکام اور دیگر قیدیوں کی غیر موجودگی میں خواتین کے کے حجاب کو ہٹا سکیں۔
