site
stats
عالمی خبریں

اٹھارہ بلیاں مارنے کے جرم میں ایک شخص کو 16 سال قید کی سزا

کیلیفورنیا : امریکی ریاست کیلیفورنیا میں ایک شخص کو اٹھارہ بلیاں مارنے کے جرم میں 16 سال قید کی سزا سنا دی گئی۔

امریکی ریاست کیلیفورنیا کے شہر سان ہوزے میں 26 سالہ رابرٹ فارمر نے بلیوں کے چوری کرنے اوران پر تشدد کرنے کرنے کے ساتھ ساتھ اٹھارہ بلیوں کو جان سے مارنے اور تین کو زخمی کرنے سمیت جانوروں پر ظلم کے اکیس جرائم کا اعتراف کیا ہے۔

سانتا کلارا سپیریئر کورٹ میں ایک جج نے ماری جانے والی ہر بلی کا نام سزا پڑھ کر سنایا اور اٹھارہ بلیاں مارنے کے جرم میں رابرٹ کو سولہ سال قید کی سزا سنا دی۔

اس کے علاوہ عدالت نے رابرٹ فارمر کی قید کی سزا ختم ہونے کے بعد کوئی پالتو جانور رکھنے یا دیکھ بھال کرنے پر بھی دس سال تک پابندی عائد کردی اور انھیں کیمبرین پارک کے علاقے سے دور رہنے کا بھی حکم دیا گیا۔

خیال رہے کہ 2015 میں یہ تمام بلیاں سان ہوزے میں کیمبرین پارک کے علاقے میں لاپتہ ہوگئی تھیں، جس کے بعد ان میں کئی مردہ حالت میں ملی جبکہ دو کوڑا دان سے برآمد ہوئی تھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top