The news is by your side.

Advertisement

انتہائی حساس پولنگ اسٹیشنز میں کیمرے لگائے جائیں گے

سندھ میں بلدیاتی انتخابات کے دوسرے مرحلے میں انتہائی حساس پولنگ اسٹیشنز میں کیمرے لگائے جائیں گے۔

تفصیلات کے مطابق چیف سیکریٹری سندھ کی زیرصدارت بلدیاتی انتخابات سے متعلق اجلاس ہوا جس میں انتخابات کی تیاریوں اور ملازمین کی ڈیوٹی سمیت امن و امان کی صورتحال کو برقرار رکھنے کے لیے مختلف پہلوؤں پر غور کیا گیا۔

چیف سیکریٹری سہیل راجپوت نے کہا کہ کراچی اور حیدرآباد ڈویژن میں 24جولائی کو بلدیاتی انتخابات ہوں گے انتہائی حساس پولنگ اسٹیشنزپرسی سی ٹی وی کیمرے لگائےجائیں۔

انہوں نے خبردار کیا کہ الیکشن ڈیوٹی نہ کرنے والے ملازمین کیخلاف سخت کارروائی کی جائے گی تمام محکمے ملازمین کی تفصیل الیکشن کمیشن کوفراہم کریں ای سی ہدایات کےمطابق پولنگ اسٹیشنزپرسہولیات فراہم کی جائیں جب کہ کمشنر کراچی اور کمشنر حیدرآباد تمام انتظامات کی نگرانی کریں۔

صوبائی الیکشن کمشنر اعجازچوہان نے کہا کہ دوسرے مرحلے میں 60 ہزار عملے کی خدمات لی جائیں گی کراچی اور حیدرآباد کے 16 اضلاع میں 9848 پولنگ اسٹیشنز ہوں گے۔

Comments

یہ بھی پڑھیں