ppp-nasir-bagh پیپلزپارٹی کا لوڈشیڈنگ کیخلاف کیمپ، وزیراعلیٰ کے مختلف نام تجویز
The news is by your side.

Advertisement

پیپلزپارٹی کا لوڈشیڈنگ کیخلاف کیمپ، وزیراعلیٰ کے مختلف نام تجویز

لاہور : پیپلز پارٹی کی جانب سے بجلی کی لوڈشیڈنگ کے خلاف لاہور میں احتجاجی کیمپ لگایا گیا، جیالے اورجیالیاں ہاتھ کے پنکھے لے کرنعرے بازی کرتے رہے، گونوازگو کے نعرے اورنظمیں بھی چھائی رہیں۔

تفصیلات کے مطابق پیپلز پارٹی نے لاہور میں احتجاجی کیمپ لگایا، احتجاجی کیمپ سے سید خورشید شاہ، اعتزاز احسن، ندیم افضل چن اور قمر زمان کائرہ نے خطاب کیا۔ قمر زمان کائرہ کی پنجابی میں تقریر کیتا کی اے اوردستی پنکھوں کی بہار نے خوب رنگ جمایا۔ گو نواز گو کے نعرے اور نظمیں بھی چھائی رہیں۔

ناصر باغ میں لگائےگئے کیمپ میں وزیراعلیٰ پنجاب شہباز شریف کے نئے نام کے لئے ووٹنگ بھی کی گئی، جس میں عوام کی جانب سے نادم اعلیٰ، کاذب اعلیٰ، شوبازشریف، گاڈ فادر شریف جیسے نام تجویز کئے گئے۔

کیمپ کے شرکاء سے خطاب کرتے ہوئے پی پی پی پنجاب کے صدر قمر زمان کائرہ نے کہا کہ یہ ڈبہ پورے ملک میں لے کر جائیں گے اور مزید لوگوں سے بھی تجاویز لیں گے۔

پی پی دور حکومت میں میاں شہباز شریف کے مینار پاکستان پر احتجاج کی یاد میں پیپلز پارٹی کے جیالوں نے بھی دستی پنکھے ہاتھوں میں لے کر ان کو لوڈ شیڈنگ یاد کرائی اور پانامہ کو بھی دہرایا۔

واضح رہے کہ پیپلز پارٹی کے گزشتہ دور حکومت میں وزیراعلٰی پنجاب شہباز شریف نے بجلی کی لوڈ شیڈنگ کیخلاف مینار پاکستان پر پنکھا کیمپ لگایا تھا، شہباز شریف نے ہاتھ والے پنکھے سے گرمی بھگانے کی ناکام کوشش کرتے ہوئے کئی اجلاس کئے تھے۔

کیمپ میں انہوں نے جذباتی انداز میں تقریر کرتے ہوئے کہا تھا کہ ہماری حکومت میں لوڈ شیڈنگ ختم کردی جائے گی اگر ختم نہ ہو سکی تو میرا نام بدل دینا یہ کہتے ہوئے انہوں نے مائیک بھی گرا دیا تھا۔

احتجاجی کیمپ کے اختتام پر جیالوں کی تواضع کے لئے بریانی کا اہتمام کیا گیا مگر حشروہی ہوا، جس کی توقع رہتی ہے، جلسہ ختم ہوتے ساتھ ہی جیالے بریانی پر ٹوٹ پڑے۔

Comments

comments

یہ بھی پڑھیں