محققین نے ذیابطیس ٹائپ ٹو سے متعلق کہا ہے کہ فضائی آلودگی ذیابیطس 2 کا خطرہ بڑھا دیتی ہے تاہم جسمانی سرگرمیاں اس مرض سے بچانے میں مددگار ثابت ہوسکتی ہیں۔
یہ تحقیق نیدرلینڈ اور ہانگ کانگ کے ماہرین نے کی، جس میں ڈیڑھ لاکھ سے زائد افراد کا ڈیٹا دیکھا گیا، مذکورہ افراد کے ڈیٹا پر تحقیق سے معلوم ہوا کہ نتائج سے معلوم ہوا کہ جسمانی طور پر زیادہ سرگرم افراد میں ذیابیطس کا امکان 31 فیصد جبکہ سست طرز زندگی کے عادی لوگوں میں 56 فیصد تک ہوتا ہے۔
ماہرین کے مطابق زیادہ آلودہ جگہوں پر رہنے والے افراد میں یہ خطرہ 94 فیصد تک بڑھ جاتا ہے لیکن ورزش کرنے والے افراد میں یہ خطرہ 64 فیصد تک کم ہوجاتا ہے۔
ماہرین کا کہنا ہے کہ ذیابیطس ٹائپ ٹو کا خطرہ ان ممالک یا جہگوں پر زیادہ ہوتا ہے جہاں فضائی آلودگی کی شرح عالمی ادارہ صحت کے معیار سے ڈھائی گناہ زیادہ ہوگا لیکن ورزش کے ذریعے آلودگی کے اثرات کو کم کیا جاسکتا ہے۔
