The news is by your side.

Advertisement

کینیڈا میں آئس ہاکی ٹیم کی بس حادثے کا شکار، 14 افراد ہلاک، متعدد زخمی

اوتاوا: کینیڈا کی جونیئر آئس ہاکی ٹیم کی بس دوران سفر حادثے کا شکار ہوگئی جس کے نتیجے میں 14 افراد ہلاک جبکہ متعدد زخمی ہوگئے۔

تفصیلات کے مطابق ساسکیچوان صوبے کے شمالی علاقے ہمبولڈ برونسک میں پیش آنے والے حادثے میں کینیڈین ہاکی ٹیم کے کھلاڑیوں سمیت 14 افراد ہلاک ہوگئے تاہم حکام نے اب تک حادثے میں ہلاک ہونے کھلاڑیوں کی تعداد اور شناخت ظاہر نہیں کی۔

پولیس حکام کا کہنا ہے کہ صوبے ساسکیچوان میں یہ حادثہ بس اور ٹرک کے تصادم کے نتیجے میں پیش آیا، حادثے کا شکار ہونے والی بس میں کھلاڑیوں سمیت 28 افراد سوار تھے، جبکہ زخمی ہونے والے افراد میں کئی کی حالت تشویش ناک ہے۔

میکسیکو میں سیاحوں کی بس کو حادثہ‘ 12 افراد ہلاک

دوسری جانب کینیڈا کے وزیر اعظم جسٹن ٹروڈو نے سماجی رابطے کی ویب سائٹ ٹوئٹر پر جاری اپنے بیان میں کہا ہے کہ میں سوچ بھی نہیں سکتا کہ کھلاڑیوں کے والدین کی کیا حالت ہو گی، میرا دل اس المناک حادثے سے متاثر ہونے والے تمام افراد کے ساتھ ہے۔

جونیئر آئس ہاکی ٹیم کے صدر کیون گار نیگر کا اس حادثے پر افسوس کا اظہار کرتے ہوئے کہنا تھا کہ یہ واقعہ انتہائی افسوس ناک ہےجس سے غیر معمولی نقصان ہوا، اس مشکل وقت میں وہ متاثرہ کھلاڑیوں کے عزیزوں کے غم میں برابر کے شریک ہیں۔

کینیا، مسافر بس کو حادثہ 27 افراد ہلاک، متعدد زخمی

خیال رہے کہ ہمبولٹ برونکوس نامی آئس ہاکی کلب سن انیس سو ستر میں قائم کیا گیا تھا، ریاست ساسکیچوان کے شہر ہمبولٹ کی یہ جونیئر ٹیم علاقائی سطح پر میچ کھیلتی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں