اونٹاریو: سکھ رہنما ہر دیپ کے قتل کے معاملے پر امریکہ کے بعد اردن، متحدہ عرب امارات اور برطانیہ نے بھی کینیڈا کی حمایت کا اعلان کردیا۔
تفصیلات کے مطابق کینیڈا نے بھارت کے خلاف مزید تین بڑے ممالک کی حمایت حاصل کرلی، امریکہ کے بعد اردن، متحدہ عرب امارات اور برطانیہ نے بھی کینیڈا کی حمایت کا اعلان کردیا۔
ہیرالڈ میں کہا گیا ہے کہ چھ اکتوبر کو جسٹن ٹروڈو نے برطانوی وزیراعظم رشی سوناک سے ٹیلیفونک رابطہ کیا جبکہ آٹھ اکتوبر کو کینیڈین وزیراعظم اور متحدہ عرب امارات کے صدر شیخ محمد بن زاید کے درمیان بات چیت ہوئی۔
اس کے علاوہ نو اکتوبر کو جسٹن ٹروڈو نے اردن کےفرمارواں عبداللہ بن الحسین کی بھی حمایت حاصل کی، گفتگو کے دوران اردن، برطانیہ اور متحدہ عرب امارات کے حکمرانوں نے بھارت کےخلاف قانونی کاروائی پر زور دیا اور کہا قانون کی پاسداری تمام ممالک پرلاگو ہے۔
