The news is by your side.

Advertisement

کینیڈین وزیراعظم 16 سالہ انقلابی لڑکی کے شکرگزار

اوٹاوا: کینیڈا کے وزیراعظم جسٹن ٹروڈو نے اعلان کیا ہے کہ ہم اگلے دس سال میں دو ارب درخت لگا کر اپنے ملک کو بچائیں گے۔

تفصیلات کے مطابق کینیڈین وزیراعظم کی ماحولیاتی اور موسمیاتی تغیراتی تبدیلیوں کے حوالے سے سب سے پہلے آواز اٹھانے والی 16 سالہ گریٹا تھون برگ سے ملاقات ہوئی۔ جسٹن ٹروڈو نے نوجوان لڑکی کا شکریہ ادا کیا اور کہاکہ ’’آپ نے آواز اٹھا کر ہمارے بچوں کے مستقبل اور زمین کو محفوظ کیا‘‘۔

بعد ازاں کینیڈا کے وزیر اعظم نے ٹویٹ میں اعلان کیا کہا ’’ہم اگلے دس سالوں کے دوران دو ارب سے زائد درخت لگائیں گے‘۔

قبل ازیں انہوں نے ملاقات کے بعد گریٹا کا شکریہ ادا کرتے ہوئے کہا کہ آپ ہمارے بچوں کے لیے متاثر کن شخصیت ہیں، آپ ہمیں حوصلہ فراہم کرتی ہیں تاکہ ایک تحریک کی مضبوط عمارت کی تشکیل ممکن ہو۔

مزید پڑھیں: “آپ نے میرے خواب چرا لیے!” 16 سالہ گریٹا تھون برگ کی عالمی رہنماؤں پر کڑی تنقید

دو روز قبل جسٹن ٹروڈو نے اعلان کیا تھا کہ کینیڈا 2025 تک اپنے جزیروں اور ساحلوں کو محفوظ بنائے گا جہاں آلودگی کا خاتمہ ہوگا۔

Comments

comments

یہ بھی پڑھیں