تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

افغانستان کی بگڑتی صورتحال، کینیڈا کا 20 ہزار افغان مہاجرین کو پناہ دینے کا اعلان

ٹورنٹو : کینیڈا نے افغانستان کی صورتحال کے پیش نظر 20 ہزار افغان مہاجرین کو پناہ دینے کا اعلان کردیا ہے اور کہا ہم افغانستان کی صورت حال کو قریب سے مانیٹر کر رہے ہیں۔

تفصیلات کے مطابق کینیڈا کے امیگریشن وزیر مارکو مینڈیسینو نے پریس کانفرنس کرتے ہوئے کہا کہ افغانستان کی صورت حال دل دہلا دینے والی ہے، ایسے میں ہم خاموش نہیں بیٹھیں گے۔

امیگریشن وزیر نے 20 ہزار افغان مہاجرین کو پناہ دینے کا اعلان کرتے ہوئے کہا پناہ گزینوں میں خواتین لیڈرز، سرکاری ملازمین اور وہ دوسرے افراد شامل ہوں گے ، جنہیں طالبان کی جانب سے جان کا خطرہ ہے۔‘

انھوں نے کہا کابل کی جانب طالبان کی پیش قدمی کے پیش نظر کینیڈا کے سفارت خانے کے عملے کو ہنگامی طور پر وہاں سے ہوائی جہاز کے ذریعے نکال لیا گیا ہے، ہم افغانستان کی صورت حال کو قریب سے مانیٹر کر رہے ہیں۔

دوسری جانب کینیڈا کے وزیر خارجہ مارک گرنیو کا کہنا ہے کہ ’کینیڈین سفارت خانے اور اپنے اسٹاف کا تحفظ ہماری اولین ترجیح ہے، کینیڈا افغانوں کا ممنون ہے اور ان کے تحفظ کے لیے اپنی کوششیں جاری رکھے گا۔

Comments

- Advertisement -