ٹورنٹو: کنیڈین پولیس نے سڑک پر تیز رفتاری سے بیٹری کار چلانے پر تین سالہ بچے کا چالان کر دیا، خبر سنی تو شرارتی بچے کی ماں نے سر پکڑ لیا۔
کینیڈا میں ایک انوکھا واقعہ پیش آیا ، ایک 3 سالہ بچہ بیٹری سے چلنے والی اپنی کھلونا جیپ کو تیز ڈوراتا ہوا سڑک پر آ گیا، قریبی موجود ٹریفک سارجنٹ نے جب یہ دیکھا تو موقع پر ہی اس کو ٹریفک خلاف ورزی پر ٹکٹ تھما دیا۔
بچے کا چالان ، ماں نے سر پکڑلیا
خبروں کی زینت بننے والے اس بچے کی ماں جو پہلے ہی اس کی شرارتوں سے تنگ تھی، ماں نے جب بیٹے کا یہ نیا کارنامہ سنا تو سر پکڑ لیا اور کہا کہ اب بس یہی کسر باقی رہ گئی تھی کہ یہ پولیس کو گھر لے آئے۔
تین سالہ نیتھن کا ٹریفک سارجنٹ نے چالان کرتے ہوئے مسکرا کر اس کے سر پر ہاتھ پھیرا۔
اس واقعے کے بعد نیتھن کی ماں نے مزید کسی پریشانی سے بچنے کے لیے بچے کی کڑی نگرانی کا فیصلہ کرلیا ہے۔
ہیتھن اسنو نے تمام تر واقعے کو کیمرے میں محفوظ کرکے رکھ لیا تاکہ نیتھن اس واقعے شاید کبھی نہیں بھول پائے۔
