The news is by your side.

Advertisement

کینیڈا : چھریوں کے وارسے دو افراد ہلاک، 5 زخمی، ملزم گرفتار

کیوبک : کینیڈا میں چھرا گھونپنے کی واردات میں دو افراد ہلاک جب کہ پانچ زخمی ہوگئے، پولیس نے حملہ آور کو گرفتار کرلیا، ملزم نے ہیلووین کی مناسبت سے لباس پہنا ہوا تھا۔

کینیڈا کے شہر کیوبک میں بھوتوں اور جنوں کی مناسبت سے ہونے والے تہوار ہیلووین کے موقع پر اسمبلی کی عمارت کے باہر ایک شخص نے تیز دھار آلے سے حملہ کرکے دو افراد کو قتل جبکہ پانچ کو زخمی کردیا۔

غیر ملکی خبر رساں ادارے کی رپورٹ کے مطابق بیس سالہ مشتبہ شخص کو حراست میں لے لیا گیا ہے تاہم حملے کی وجہ کے بارے میں کوئی معلومات فراہم نہیں کی گئیں۔

واقعہ بھوتوں اور جنوں کے تہوار ہیلووین کے موقع پر کیا گیا حملے میں زخمی ہونے والوں کو طبی مداد کیلئے اسپتال منتقل کر دیا گیا ہے، پولیس کا کہنا ہے کہ ملزم سے تفتیش جاری ہے۔

کینیڈا کے میڈیا ذرائع کا کہنا ہے کہ یہ حملے چاؤ فرنٹیونک نامی شہر کے قریب ریو ڈیس رامپارٹس پر ہوئے اور مشتبہ شخص کو
بعد میں شہر کے پرانے بندرگاہ کے قریب سے گرفتار کیا گیا۔

کیوبک سٹی پولیس سروس نے اعلان کیا ہے کہ ہم شہریوں سے گھر پر رہنے اور دروازے بند رکھنے کی اپیل کر رہے ہیں کیونکہ ابھی ملزم سے تحقیقات جاری ہیں۔

Comments

یہ بھی پڑھیں