site
stats
پاکستان

کراچی بھنگ کا زیادہ استعمال کرنے والا دنیا کا دوسرا شہربن گیا

کراچی : شہر قائد کے باسیوں کو بھنگ کے نشے کا عادی بنایا جارہا ہے، کراچی بھنگ کا سب سے زیادہ استعمال کرنے والا دنیا کا دوسرا شہربن گیا۔

تفصیلات کے مطابق شہر قائد میں منشیات فروشی کے متعدد اڈے ہیں جہاں نشے کے عادی افراد کو منظم منصوبہ بندی اور پولیس کی مبینہ سرپرستی میں منشیات کھلے عام فروخت کی جاتی ہے، لیکن اب شہر کے بیشتر علاقوں میں بھنگ کو پیس کر اس کا شربت سر عام فروخت کیا جارہا ہے۔

کراچی والوں کو بھنگ کون پلارہا ہے؟ اور کس کس طریقے سے پلائی جاتی ہے، ٹھیلوں پر شربت کے نام پر بیچی جانے والی بھنگ شہر کے مضافاتی علاقوں کی جھاڑیوں، ویران جگہوں پر دیکھی جارہی ہے۔

کراچی نے اب دلی کیا ممبئی کو بھی پیچھے چھوڑ دیا، یہ شہربھنگ کا سب سے زیادہ استعمال کرنے والا دنیا کا دوسرا بڑا شہر بن گیا، کراچی میں سال بھر میں بیالیس ٹن بھنگ پی جاتی ہے،یہاں ایک گرام بھنگ کی قیمت چھ سو روپے تک ہے۔

عالمی سروے کے مطابق بھنگ کے استعمال میں نیویارک کا پہلا نمبر ہے، بھنگ نے تیسرے نمبر پر بھارتی دارالحکومت دلی، جبکہ چھٹے نمبر پر ممبئی کو اپنی گرفت میں لیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

 

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top