جارح مزاج بلے باز کرس گیل نے کیرون پولارڈ کے چونکا دینے والے اعلان پر رد عمل ظاہر کرتے ہوئے کہا ہے کہ مجھے یقین نہیں آتا کہ آپ مجھ سے پہلے ریٹائر ہو گئے ہیں۔
بین الاقوامی کرکٹ سے ریٹائرمنٹ کے اعلان پر کئی سابق اور موجودہ کرکٹرز نے سوشل میڈیا پر ویسٹ انڈیز کے آل راؤنڈر کیرون پولارڈ کے لیے نیک تمناؤں کا اظہار کیا ہے، جن میں ویسٹ انڈیز کے بائیں ہاتھ سے کھیلنے والے جارح مزاج بلے باز کرس گیل بھی شامل ہیں۔
کیرون پولارڈ نے انٹرنیشنل کرکٹ کو خیرباد کہہ دیا
34 سالہ کیرون پولارڈ نے بدھ کی شام کو انٹرنیشنل کرکٹ سے ریٹائرمنٹ کا اعلان کیا، بیٹنگ لیجنڈ سچن ٹنڈولکر نے بھی اپنی اور پولارڈ کی ایک تصویر شیئر کر کے انھیں فائٹر اور چیلنجر قرار دیا۔
View this post on Instagram
کرس گیل پولارڈ کے اس فیصلے پر خوش گوار حیرت کا شکار ہوئے اور ٹوئٹر پر لکھا یقین نہیں آتا کہ آپ مجھ سے پہلے ریٹائر ہو گئے ہیں، کرس گیل نے پولارڈ کو بین الاقوامی کیریئر پر مبارک باد بھی دی اور کہا کہ ریٹائرمنٹ مبارک ہو۔
Can’t believe you retired before me @KieronPollard55 😄 Anyway-Congratulations on your international career…it was great playing alongside you. Happy Retirement…All the best in your next chapter @KieronPollard55 #Respect✊🏿 👊🏿
— Chris Gayle (@henrygayle) April 20, 2022
انھوں نے مزید کہا کہ آپ کے ساتھ کھیل کر بہت اچھا لگا، آپ کی زندگی کے دوسرے مرحلے کے لیےمیری نیک خواہشات آپ کے ساتھ ہیں۔
POLLARD BIDS FAREWELL TO INTERNATIONAL CRICKET.@windiescricket ❤️❤️.
PS… thank you @insignia_sports for putting this trip down memory lane together to support my statement. https://t.co/1E87uGw1rH— Kieron Pollard (@KieronPollard55) April 20, 2022
کیرون پولارڈ نے انٹرنیشنل کرکٹ سے ریٹائرمنٹ پر سوشل میڈیا پر پیغام میں کہا کہ میرے لیے فخر کی بات ہے کہ میں نے ویسٹ انڈیز کی نمائندگی کی۔ خیال رہے کہ کیرون پولارڈ نے ویسٹ انڈیز کی جانب سے 123 ون ڈے اور 101 ٹی ٹوئنٹی میچز میں نمائندگی کی۔ پولارڈ نے 2007 میں ون ڈے اور 2008 میں ٹی 20 انٹرنیشنل میچز سے اپنے سفر کا آغاز کیا تھا۔
