site
stats
پاکستان

عوام استخارہ کرکے ن لیگ کو ووٹ ڈالیں، کیپٹن (ر)صفدر

Captain Safdar

لاہور: سابق وزیر اعظم نواز شریف کے داماداور مسلم لیگ ن کے رہنما کیپٹن (ر) محمد صفدر نے کہا کہ یہ حکومت رہبرسےخالی ہونےپر دنیا آنکھیں دکھارہی ہے، عوام استخارہ کرکے ن لیگ کو ووٹ ڈالیں، مسجد میں شہادت دیتا ہوں کہ نواز شریف کرپشن میں ملوث نہیں۔

تفصیلات کے مطابق مسلم لیگ نون کے رہنما کیپٹن (ر) صفدر نے باٹا پور لاہور میں مسجد کے دورہ کے موقع پر میڈیا سے گفتگو کرتے ہوئے کہا کہ نواز شریف اسلام آباد سے گھرپہنچے تو دنیا آنکھیں دکھا رہی ہے، یہ حکومت رہبرسے خالی ہونے پر دنیا آنکھیں دکھا رہی ہے، عوام استخارہ کرکے ن لیگ کو ووٹ ڈالیں۔

کیپٹن صفدر کا کہنا تھا کہ مسلم لیگ ن کے رہنما جب تک 22 کروڑ عوام کے فیصلوں کو عزت و تکریم نہیں دی جاتی ملکی ترقی کی رفتار صفر رہے گی، وقت بتائے گا کہ کس کے فیصلے ٹھیک تھے کس کے غلط، ملکی دفاع ناقابل تسخیر بنانے کا عزم آج بھی وہی عزم ہے، مادرملت ثانی کلثوم نواز ہیں جنہوں نےآمریت کاڈٹ کرمقابلہ کیا۔

مسلم لیگ ن کے رہنما نے ک کہا کہ اگر نواز شریف کرپٹ ہوتے تو 12اکتوبر کے بعد دوبارہ حکومت میں نہ آتے، وہ مسجد میں شہادت دیتے ہیں کہ نواز شریف کرپشن میں ملوث نہیں۔

انہوں نے کہا کہ عمران خان کو استعمال کرکے فارغ کردیا گیا ہے۔ وزیر خارجہ آصف مکمل صلاحیت رکھتے ہیں، ملکی مفادات کا تحفظ کریں گے۔

مسلم لیگ کے رہنما نے اتحاد بین المسلمین پر زوردیتے ہوئے کہا کہ مسلکی اختلافات کو ختم کرتے ہوئے دینی مدارس کے طلبا کو درس نظامی کے ساتھ انگریزی، فرانسیسی ، جرمن ، عربی اور فارسی بھی سیکھنی چاہیے۔ اورایسے نوجوان تیار کرنے چاہیں جو پارلیمنٹ کا حصہ ہوں۔


مزیدپڑھیں : کیپٹن صفدرجوش خطابت میں ہوش کھو بیٹھے، مضحکہ خیزانکشافات


گذشتہ روز سابق وزیر اعظم نوازشریف کے داماد کیپٹن صفدر جوش خطابت میں ہوش کھو بیٹھے تھے اور ایک تقریب سے خطاب میں نواز شریف کو قائد اعظم ثانی کا لقب دیتے ہوئے کہا تھا کہ اللہ تعالیٰ نے نواز شریف کو قائد اعظم ثانی بنا کر اتارا ہے۔

نہوں نے مزید انکشاف کیا کہ انیس سو ننانوے میں جب نواز شریف جیل میں تھے تو ایک معجزہ ہوا اور وہ سعودی عرب چلے گئے۔ اب وہ معجزہ پھر ہونے والا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top