برمنگھم: قومی ٹیم کے کپتان بابر اعظم نے بطور کپتان انگلینڈ کے خلاف 158 رنز کی اننگز کھیل کر عمران خان کا ریکارڈ توڑ دیا۔
تفصیلات کے مطابق قومی ٹیم کے کپتان بابر اعظم کی انفرادی اننگز کسی بھی پاکستانی کھلاڑی کی انگلش ٹیم کے خلاف سب سے بڑا اسکور رہی، بابر نے میزبان ٹیم کے خلاف سنچری کا عمران خان کا ریکارڈ بھی توڑ دیا۔
عمران خان نے 1983 میں انگلینڈ کے خلاف انہی کی سرزمین پر سنچری اننگز کھیلی تھی۔
بابر اعظم پہلے پاکستانی کھلاڑی بنے ہیں جنہوں نے انگلش ٹیم کے خلاف انہی کی سرزمین پر تین سنچری اننگز کے ساتھ ایک ہزار رنز کا سنگ میل عبور کیا ہے۔
قومی ٹیم کے کپتان بابر اعظم نے انگلینڈ کے خلاف کیریئر کی 14ویں سنچری اسکور کی۔
بابر اعظم نے نصف سنچری 50 گیندوں پر مکمل کرنے کے بعد اگلے پچاس رنز 32 گیندوں پر بنائے۔
💯 for @babarazam258
Scorecard/clips: https://t.co/wtCtb2kz8n
🏴 #ENGvPAK 🇵🇰 pic.twitter.com/NRiP9HynQP
— England Cricket (@englandcricket) July 13, 2021
واضح رہے کہ پاکستان کی جانب سے ون ڈے میں سب سے زیادہ سنچریاں بنانے کا اعزاز سعید انور کے پاس ہے، سعید انور نے 244 اننگز میں 20 سنچریاں اسکور کیں۔
محمد یوسف نے 267 اننگز میں 15 سنچریاں اسکور کی تھیں۔
— Pakistan Cricket (@TheRealPCB) July 13, 2021
بابر اعظم نے صرف 81 اننگز میں 14 سنچریاں اسکور کرلیں، بابر کو محمد یوسف کا سنچریوں کا ریکارڈ برابر کرنے کے لیے ایک سنچری درکار ہے۔
دوسری جانب بابر اعظم نے 45 اننگز میں 2 ہزار رنز بنانے کا سنگ میل بھی عبور کرلیا۔
اس سے قبل ہاشم آملہ نے 40 اننگز، ظہیر عباس، کیون پیٹرسن نے 45، 45 اننگز میں 2 ہزار رنز اسکور کیے تھے۔
