The news is by your side.

Advertisement

بال بوائے سے لیکر قومی ٹیم کے کپتان بننے تک کا سفر، بابر اعظم کی یادگار تصاویر

کراچی: ٹی 20 ورلڈ کپ میں پاکستان کے ہاتھوں بھارت کی عبرتناک شکست پر شائقین کرکٹ کی جانب سے کپتان بابر اعظم اور محمد رضوان کی کارکردگی کو خوب سراہا جارہا ہے۔

پاکستان کی جیت کے ساتھ ہی بابر اعظم کا ٹرینڈ ٹویٹر پر تیسرے نمبر پر ہے اور مداحوں کی جانب سے بابر اعظم کی بیٹنگ کی خوب تعریف کی جارہی ہے۔

نیہا خان نامی بابر اعظم کی مداح نے سوشل میڈیا پر لکھا کہ ’پاکستان کے صرف دو ہی ہیرو ہیں، قائد اعظم اور بابر اعظم۔‘

بابراعظم کی انڈر 19 کے وقت کی تصویر: فوٹو سوشل میڈیا

نیہا خان قومی ٹیم کی جیت پر خوشی سے نہال ہیں ان کا کہنا ہے کہ اتنی خوشی مجھے کبھی بھی نہیں ہوئی جتنی آج ہوئی ہے، خاتون صارف کا مزید کہنا تھا کہ بھارت والے موقع موقع کہہ رہے تھے آج انہیں جواب بھی مل گیا۔

بابراعظم اپنے والد کے ساتھ خوشگوار موڈ میں گاڑی چلاتے ہوئے/ فوٹو سوشل میڈیا

پی ٹی آئی کے سینیٹر اون عباس نے بابر اعظم کی وہ تصاویر شیئر کیں جن میں کپتان اپنے والد کے موٹر سائیکل پر بیٹھ کر کرکٹ کلب جارہے ہیں۔

انہوں نے لکھا کہ ’دل کو چھو لینے والی تصویرہے ،کامیابی کے لیے قربانی ضروری ہے۔ کبھی ہمت نہ ہارو.۔‘

واضح رہے کہ گزشتہ روز ورلڈ کپ کے افتتاحی میچ میں گرین شرٹس نے بھارتی سورماؤں کا غرور خاک میں ملاتے ہوئے انہیں 10 وکٹوں سے شکست دی تھی، قومی ٹیم اپنا دوسرے میچ کل نیوزی لینڈ کے خلاف کھیلے گی۔

Comments

یہ بھی پڑھیں