لاہور: پاکستان کرکٹ ٹیم کے کپتان بابر اعظم کو کھیلوں کے میدان میں شاندار کارکردگی اور نمایا خدمات پر پاکستان کے اعلیٰ سول اعزاز ستارہِ امتیاز نے نوازا گیا ہے۔
گورنر پنجاب بلیغ الرحمان نے یوم پاکستان 23 مارچ کے موقع پر گورنر ہاؤس میں منعقدہ ایک تقریب میں 28 سالہ اسٹار بیٹر بابر اعظم کو ایوارڈ سے نوازا۔
پاکستان کے کپتان بابر اعظم کی انٹرنیشنل کرکٹ کونسل (آئی سی سی) کی جانب سے جاری کردہ ون ڈے بیٹنگ رینکنگ میں اب بھی پہلی پوزیشن برقرار ہے۔
https://twitter.com/meMaryam7/status/1638813396601544704?s=20
بابر اعظم ایک بہترین بیٹر ہونے کے ساتھ ساتھ بہترین کپتان بھی ہیں انہوں نے کم عمری میں کود کو ایک شاندار کپتان ثابت کیا، بابر اعظم کی قیادت میں قومی ٹیم آئی سی سی ٹی ٹوئنٹی 2021 کا سیمی فائنل اور اے سی سی ورلڈ کپ ٹی ٹوئنٹی کا فائنل کھیلا تھا۔
پاکستان سپر لیگ کے 8 ویں ایڈیشن میں انہوں نے پشاور زلمی کی قیادت سنبھالی تاہم ٹرافی اٹھانے میں ناکام رہے، لیکن قومی ٹیم کے کھلاڑی نے اب تک کئی عالمی ریکارڈ توڑیں ہیں جس کا سلسلہ اب بھی جاری ہے۔
واضھ رہے کہ مصباح الحق، یونس خان، شاہد آفریدی اور سرفراز احمد سمیت چار سابق کپتانوں کو کرکٹ میں ان کی شاندار خدمات پر ملک کے تیسرے بڑے سول اعزاز سے نوازا گیا تھا۔
ان سے پہلے صرف 4 دیگر کرکٹرز کو ان کی شاندار کھیلوں کی کامیابیوں پر ستارہ امتیاز کا ایوارڈ ملا تھا، ان میں 2011 میں محمد یوسف، 2015 میں سعید اجمل، 1992 میں جاوید میانداد اور 2005 میں انضمام الحق شامل ہیں۔
بابر اعظم سے قبل پاکستان کے سابق کپتان سرفراز احمد ستارہ امتیاز حاصل کرنے والے سب سے کم عمر پاکستانی کرکٹر تھے۔
