The news is by your side.

Advertisement

کیپٹن (ر) صفدرکو وطن واپسی پرگرفتارکرلیا گیا

اسلام آباد : نااہل وزیراعظم نوازشریف کے داماد کیپٹن (ر) صفدر کو حراست میں لے لیا گیا، ن لیگ کے کارکنوں نےنیب کی ٹیم کو یرغمال بنانےکی کوشش کی۔

تفصیلات کے مطابق قومی احتساب بیورو نے نوازشریف کے داماد اورمریم نواز کے شوہر کیپٹن ریٹائرڈ صفدر کو وطن واپسی پر گرفتارکرلیا، مریم نواز اور ان کے شوہر لندن سے وطن واپس آئے تھے۔

ایئرپورٹ سے باہرآتے ہی کیپٹن (ر) صفدر کو گرفتارکیا گیا جبکہ مریم نوازنے ان کی گرفتاری کی تصدیق کردی۔

اس سے قبل مریم نواز اور کیپٹن(ر) صفدر راول لاؤنج میں پہنچے اورلیگی رہنماؤں سے ملاقات کی، لیگی وزرا نے کیپٹن صفدر کو نیب حکام کی ایئرپورٹ موجودگی پربریفنگ دی، اس موقع پر نیب حکام کو راول لاؤنج میں داخلے سے روک دیاگیا تھا۔

گرفتاری کے بعد ن لیگ کے وزرا نے کیپٹن(ر) صفدرکو لےجانے والی نیب کی گاڑی کو گھیر لیا، ن لیگ کے کارکنان بھی مزاحمت کرتے ہوئے نیب کی گاڑی کے آگے لیٹ گئے، جس کے باعث نیب اہلکاروں کو شدید مشکلات کا سامنا کرنا پڑا۔

گرفتاری کا حتمی فیصلہ چیئرمین نیب سےمشاورت کے بعد کیا گیا تھا، نوازشریف کے داماد کو گرفتار کرکے نیب راولپنڈی دفتر منتقل کردیا گیا، نیب کے تفتیشی مرکز میں کیپٹن(ر)صفدرکےلئےخصوصی سیل خالی کرایا گیا تھا۔

ذرائع کے مطابق نیب عدالت نے گزشتہ پیر کو کیپٹن (ر) صفدر کو طلب کیا تھا لیکن وہ پیش نہ ہوئے، جس پر احتساب عدالت کیپٹن (ر) صفدر کے ناقابل ضمانت وارنٹ گرفتاری جاری کرچکی ہے، جس پر گرفتاری کے لیے عدالتی احکامات پرفوری عمل کیا گیا۔

اسپیکرقومی اسمبلی کو بھی آگاہ کیا گیا

ذرائع کا مزید کہنا ہے کہ اس حوالے سے نیب کی جانب سے اسپیکر قومی اسمبلی سردار ایاز صادق کو بھی آگاہ کردیا گیا تھا، کیپٹن(ر) صفدرکی گرفتاری کیلئے اسپیکر کو لکھا گیا خط ضابطے کی کارروائی ہے۔

نیب ذرائع نے بتایا ہے کہ مریم نواز سے ضمانتی مچلکوں پر دستخط کرائے جائیں گے جبکہ کیپٹن صفدر کے پاس اگر حفاظتی ضمانت ہوئی تو انہیں چھوڑ دیا جائیگا۔

مریم نوازبھائیوں کی مرضی کیخلاف واپس آئی ہیں

 ذرائع کے مطابق مریم نواز حسن اور حسین نواز کی مرضی کیخلاف وطن واپس آئی ہیں کیونکہ حسن اور حسین نواز مریم کی عدالت میں پیشی کےحق میں نہیں ہیں، مریم اپنے شوہرکیپٹن (ر)صفدر کو منا کرپاکستان واپس آئی ہیں۔

علاوہ ازیں راولپنڈی ایئر پورٹ پر ن لیگی کارکنوں کی بڑی تعداد موجود تھی، ایئرپورٹ کے اطراف سیکیورٹی کے سخت انتظامات کیے گئے تھے۔

مریم نواز اور کیپٹن(ر) صفدر کے استقبال کیلئے ن لیگی رہنما ماروی میمن، دانیال عزیز، ایم پی اے زیب النسااعوان ایئرپورٹ پہنچے۔

 

Print Friendly, PDF & Email

Comments

comments

یہ بھی پڑھیں