The news is by your side.

Advertisement

مارشل لاء کی بات کرنے والوں کو بھی کٹہرے میں لایا جائے، کیپٹن صفدر

اسلام آباد : سابق وزیراعظم نواز شریف کے داماد کیپٹن(ر)صفدرکا کہنا ہے مارشل لاکی بات کرنےوالوں کوپہلےکٹہرےمیں کھڑاکیاجائے، بظاہر ایک حکومت چل رہی ہےمگرحکم اوپرسےہی آرہےہیں۔

مارشل لاکی بات کرنےوالوں کوپہلےکٹہرےمیں کھڑاکیاجائے

کیپٹن (ر)صفدر

تفصیلات کے مطابق سابق وزیراعظم نواز شریف کے داماد اور مسلم لیگ ن کے رہنما کیپٹن(ر)صفدر نے احتساب عدالت کے باہرمیڈیا سے گفتگو کرتے ہوئے کہا کہ چیف جسٹس شیخ رشیدکےبیانات کاجائزہ لیں، مارشل لاکی بات کرنےوالوں کو پہلے کٹہرے میں کھڑاکیاجائے، شیخ رشید ووٹ سے کئی بارنا اہل ہو چکےہیں،مگرامپائرکھڑاکردیتاہے۔

کیپٹن(ر)صفدر کا کہنا تھا کہ سراج الحق کے بیانات سے لگتا ہے کہ امپائر نےان کاساتھ چھوڑ دیا، سراج الحق 5 سال پی ٹی آئی کی تباہ کاریوں میں شامل رہے ، وقت آگیاہےسراج الحق یہ داغ بھی دھودیں۔

نواز شریف کے داماد نے کہا کہ بظاہر ایک حکومت چل رہی ہےمگرحکم اوپرسےہی آرہے ہیں،  حکومت ہی نہیں ریاست پربھی حکم اوپرسےآرہےہیں۔

کیپٹن(ر)صفدرکا کہنا تھا کہ یہ ملک سیاستدانوں نےبنایا، انہیں سیاست کرنےدی جائے، بظاہرحکومت کے پس پردہ بھی کچھ اور لوگ ہوتے ہیں۔


مزید پڑھیں : پی سی اوکے تحت حلف لینے والوں کا احتساب کیا جائے، کیپٹن(ر)صفدر


گذشتہ سماعت میں میڈیا سے گفتگو کرتے ہوئے سابق وزیراعظم نواز شریف کے داماد کیپٹن(ر)صفدرکا کہنا تھا کہ نواز شریف عوامی لیڈرہیں عوامی لیڈر کا فیصلہ عوام کوکرناچاہیے، پی سی اوکےتحت حلف لینے والوں کا احتساب کیا جائے۔

کیپٹن(ر)صفدر کا اس وقت ییہ بھی کہنا تھا کہ دنیا کو پتا چل گیا کہ یہاں برائے نام جمہوریت رکھی جاتی ہے، جمہوریت کےنام پرپس پردہ کوئی اورطاقتیں کام کررہی ہیں، عدالتوں میں خوف وہراس محسوس کرتے ہیں، خوف وہراس کوتحریکِ عدل ہی ختم کرسکتی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں