The news is by your side.

عمران خان نے اتنی شادیاں کر رکھی ہیں جن کے اعلانات ہونے ہیں، کیپٹن(ر)صفدر

اسلام آباد : سابق وزیر اعظم نواز شریف کے داماد کیپٹن(ر)صفدر نے مخالفین پر تنقید کرتے ہوئے کہا کہ عمران خان نے اتنی شادیاں کر رکھی ہیں جن کے اعلانات ہونے ہیں، زرداری صاحب جتنا پیسا ایک حکومت گرانے میں لگاتے ہیں ،اتنا پیسہ تو کسی کے پاس نہیں۔

تفصیلات کے مطابق احتساب عدالت کے باہر میڈیا سے بات کرتے ہوئے سابق وزیر اعظم نواز شریف کے داماد کیپٹن(ر)صفدر نے ایک بار پھر مخا لفین کو اڑے ہاتھوں لیا اور کہا کہ عمران خان جو پاکستان بنا نا چاہتے ہیں، جلسے میں جو لوگ آرہے ہیں وہ کہتے ہیں پاکستان کو بچاؤ اس پاکستان کو بچاؤ۔

کیپٹن(ر)صفدر کا کہنا تھا کہ شکر ہے عمران خان نے ریحام سے شادی کا دو ماہ بعداعلان کردیاتھا، عمران خان نے اتنی شادیاں کررکھی ہیں جن کے اعلانات ہونے ہیں، عمران خان کی شادیاں لاس اینجلس سے چل کر ڈی چوک تک پہنچی ہیں۔

انھوں نے زرداری پر تنقید کرتے ہوئے کہا زرداری صاحب جتنا پیسا ایک حکومت گرانے میں لگاتے ہیں ،اتنا پیسہ تو کسی کے پاس نہیں، ذوالفقار بھٹو کی پارٹی سکر کرموچی دروازے تک آگئی ہے، سرے محل کا ایک دروازہ بگتا ہے تو ایک حکومت گر جاتی ہے ابھی تو پورا محل باقی ہے۔

گذشتہ روز نواز شریف کے جلسے کے حوالے سے نواز شریف کے داماد کا کہنا تھا کہ نوازشریف مسئلہ کشمیر کو سردخانے سے نکال کر سامنےلےآتے ہیں، کشمیر کے شہدا کو سلام پیش کرتا ہوں، نوازشریف نے کل کشمیر کے شہدا کو خراج عقیدت پیش کیا، نوازشریف کے کل بھارت کوباور کرایا کہ ہم ایٹمی قوت ہیں۔


مزید پڑھیں : ملک کو نقصان پہنچانے والوں کو معاف کرنے سے اللہ ناراض ہوتا ہے، کیپٹن(ر) صفدر


یاد رہے کہ چند روز قبل کیپٹن(ر) صفدر کا کہنا تھا کہ 22کروڑعوام کو تباہی کے دہانےپرلاناریاست کیلئے خطرہ ہے،ملک کو نقصان پہنچانے والوں کو معاف کرنے سے اللہ ناراض ہوتا ہے۔

پاناما کیس کی تحقیقات کرنے والی جے آئی ٹی کے سربراہ پر تنقید کرتے ہوئے انکا کہنا تھا کہ اللہ ہی واجد ضیا کو معاف کرے تو کرے، واجد ضیا نے ایک غلط رپورٹ بدنیتی کی بنیاد پر دی ، واجد ضیا سےصرف دستخط لئے گئے،رپورٹ کہیں اور تیار ہوئی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں