The news is by your side.

Advertisement

چھوڑنے والے مجبوریوں کے مارے کمزور لوگ ہیں،کیپٹن (ر)صفدر

اسلام آباد:کیپٹن (ر)صفدر کا کہنا ہے کہ چھوڑنے والے مجبوریوں کے مارے کمزور لوگ ہیں، مجھے اور کسی نہیں مگر قاسم نون کے جانے پر دکھ ہے، قاسم نون میرا دوست تھا ،بہادر اور جرات والا تھا۔

تفصیلات کے مطابق احتساب عدالت میں صحافیوں نے سابق وزیراعظم نواز شریف کے داماد کیپٹن (ر)صفدر سے سوال کیا بڑی تعداد میں لوگ ن لیگ چھوڑ رہے ہیں کیا کہیں گے؟

کیپٹن (ر)صفدر نے جواب دیتے ہوئے کہا کہ چھوڑنے والے مجبوریوں کے مارے کمزور لوگ ہیں، چھوڑنے والے تو قائداعظم کو بھی چھوڑ گئے تھے، یہ وہ سکےہیں جودوسرےکی جیب میں ڈال کروقت آنےپرنکال لیےجاتےہیں۔

نواز شریف کے داماد کا کہنا تھا کہ اب صورت حال بدل چکی ہے،ماحول لودھراں والا ہو گیاہے، ناسمجھ لوگوں کی سیاسی سوچ پر حیران ہوں۔

انھوں نے مزید کہا کہ مجھے اور کسی نہیں مگرقاسم نون کے جانے پر دکھ ہے، قاسم نون میرا دوست تھا ،بہادر اور جرات والا ، قاسم نون کسی دباو میں آنے والا نہیں تھا، باقیوں کو تو 10سال سے دیکھ رہا ہوں انہوں نے جاناہی تھا۔


مزید پڑھیں : چوہدری نثار سے اختلاف اپنی جگہ ہے لیکن وہ لوٹا نہیں بن سکتے، کیپٹن ریٹائرڈ صفدر


یاد رہے چند روز قبل چوہدری نثار کے حوالے سے لیگی رہنما کا کہنا تھا کہ چوہدری نثار سے اختلاف اپنی جگہ ہے لیکن وہ لوٹا نہیں بن سکتے، چوہدری نثارنظریہ نوازشریف سمجھتےہیں، لیڈر کبھی کبھی پیدا ہوتے ہیں خان بہت ہیں۔

انھوں نے مزید کہا کہ چوہدری نثارنے ہمیشہ لوٹوں کوٹھوکرماری ، خود لوٹےنہیں بنے، سیاسی جماعت میں ایسی چھوٹی موٹی باتیں ہوتی ہیں، اختلافات کرنا،سننا،ناراض ہونا اچھی بات ہوتی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Comments

comments

یہ بھی پڑھیں