The news is by your side.

Advertisement

کیپٹن (ر) صفدر کو رہا کردیا گیا

کراچی : مزارقائد کے تقدس کی پامالی سےمتعلق کیس میں عدالت نے کیپٹن(ر)صفدر کی ضمانت منظور کرلی جس کے بعد کیپٹن (ر) صفدر کو رہا کردیا گیا، ضمانت ایک لاکھ روپے مچلکے کےعوض ضمانت منظور کی گئی ۔

تفصیلات کے مطابق سٹی کورٹ میں مزارقائد کے تقدس کی پامالی سے متعلق کیس کی سماعت ہوئی، عدالت نے کیپٹن(ر)صفدر کی ضمانت منظور کرلی جس کے بعد انہیں رہا کردیا گیا.

دوران سماعت عدالت نے استفسار کیا ملزم کہاں ہےکیوں پیش نہیں کیاگیا جس پر وکلا نے بتایا کہ ہمارےموکل کو 8 بجے گرفتار کیا گیا لیکن ابھی تک پیش نہیں کیا، سیاسی مقدمہ بنایاگیا،پولیس جان بوجھ کرپیش نہیں کررہی۔

سماعت کے دوران مسلم لیگ ن اورپی ٹی آئی کے وکلا آپس میں الجھ گئے اور کمرہ عدالت میں جج کے سامنے ایک دوسرے کے اوپر چلاتے رہے، جس کے بعد عدالت نے وکلااور فریقین کوخاموش کرادیا اور کہا کسٹڈی آجائے تو پھردلائل سن لیں گے۔

پولیس کی جانب سے کیپٹن(ر)صفدرکوبکتربندمیں سٹی کورٹ پہنچایا گیا ، جس کے بعد کیپٹن(ر)صفدر کو جوڈیشل مجسٹریٹ شرقی وزیرمیمن کے روبرو پیش کیا گیا۔

عدالت نے استفسار کیا مریم صفدرکوکیپٹن(ر)صفدر کی ضمانت کی پیشگی اطلاع کیسے ملی؟ کیپٹن (ر)صفدر کے وکلا نے مقدمے کے اخراج کی درخواست دائر کی ، درخواست ضابطہ فوجداری کی دفعہ 63 کے تحت دائر کی گئی۔

وکلا نے کہا کہ مزار قائد کی سی سی ٹی وی،وڈیومیں واضح ہے انکےپاس اسلحہ نہیں تھا، استدعا ہے مقدمہ بدنیتی پر ہے، خارج کیا جائے۔

عدالت نے مزارقائد کے تقدس کی پامالی سے متعلق کیس میں کیپٹن(ر)صفدر کی ضمانت منظور کرلی ، ضمانت ایک لاکھ روپے مچلکے کےعوض ضمانت منظور کی گئی۔

کیپٹن (ر) صفدر کی پیشی کے موقع پر سٹی کورٹ کے اطراف 400سے زائد اضافی اہلکار تعینات کئے گئے تھے۔

خیال رہے مریم نواز،کیپٹن (ر) صفدر کے خلاف تھانہ بریگیڈ میں مقدمہ درج ہے، مقدمے میں مزارقائدکی بےحرمتی،املاک کو نقصان،دھمکیاں دینے کی دفعات شامل کی گئی ہے جبکہ مقدمے میں 200نامعلوم افراد بھی نامزدہیں۔

Comments

یہ بھی پڑھیں