کیپٹن (ر) صفدراڈیالہ جیل میں بیمارپڑگئے‘ اسپتال منتقل -
The news is by your side.

Advertisement

کیپٹن (ر) صفدراڈیالہ جیل میں بیمارپڑگئے‘ اسپتال منتقل

راولپنڈی : سابق وزیراعظم نواشریف کے داماد کیپٹن ریٹائرڈ صفدر کی اڈیالہ جیل میں طبعیت خراب ہونے پرانہیں اسپتال منتقل کردیا گیا۔

تفصیلات کے مطابق کیپٹن ریٹائرڈ صفدر اڈیالہ جیل میں بیمار پڑگئے، انہیں راولپنڈی انسٹیٹیوٹ آف کارڈیولوجی منتقل کردیا گیا۔

سابق وزیراعظم نواشریف کے داماد کیپٹن (ر) صفدرکے ای سی جی سمیت دیگرٹیسٹ کیے جارہے ہیں۔

خیال رہے کہ کیپٹن (ر) صفدرکو 5 اگست کو اڈیالہ جیل میں طبعیت خراب ہونے پرسخت سیکیورٹی حصار میں پمز اسپتال کے امراض قلب پہنچایا گیا تھا جہاں تین رکنی میڈیکل بورڈ نے معائنے کے بعد انہیں پرائیوٹ کمرے میں منتقل کردیا تھا۔

اسلام آباد انتظامیہ نے پمزمیں کیپٹن ریٹائرڈ صفدر کے وارڈ کو سب جیل قرار دیا تھا۔

سابق وزیراعظم کے داماد کے ابتدائی ٹیسٹ میں ان کا شوگرلیول اور بلڈپریشر بڑھا ہوا تھا اور پیٹ میں شدید درد کی شکایت پرانہیں آرام کا انجکشن بھی لگایا گیا تھا۔

بعدازاں 14 اگست کو کیپٹن ریٹائرڈ صفدر کو طبعیت بہترہونے پر پمزاسپتال سے اڈیالہ جیل منتقل کردیا گیا تھا۔

ایون فیلڈ ریفرنس: نوازشریف، مریم نواز اورکیپٹن صفدر کو قید کی سزا اور جرمانہ

واضح رہے کہ احتساب عدالت کی جانب سے 6 جولائی کو ایون فیلڈ ریفرنس میں نواشریف کو 11، مریم نواز کو 8 اور کیپٹن صفدر کو ایک سال قید کی سزا سنائی گئی تھی۔

کیپٹن ریٹائرڈ صفدر نوازشریف اور مریم نوازکے ساتھ راولپنڈی کی اڈیالہ جیل میں اپنی سزا پوری کررہے ہیں۔

Comments

comments

یہ بھی پڑھیں