The news is by your side.

Advertisement

بنگلا دیشی ٹیم کے کپتان نے دورہ پاکستان سے قبل کس سے مشورہ کیا؟

کراچی: بنگلا دیشی ٹی 20 کرکٹ ٹیم کے کپتان محمود اللہ نے پاکستان کے دورے کا فیصلہ مشکل قرار دے دیا۔

تفصیلات کے مطابق کپتان بنگلا دیش ٹی 20 کرکٹ ٹیم محمود اللہ نے اے آر وائی نیوز سے بات چیت کرتے ہوئے کہا کہ پاکستان کا دورہ کرنے کا فیصلہ مشکل تھا، پاکستان کے دورے کا فیصلہ فیملی سے مشورے کے بعد کیا۔

محمود اللہ کا کہنا تھا کہ پاکستان نے مکمل سیکورٹی فراہم کرنے کی یقین دہانی کرائی ہے، پاکستان سے ٹی 20 سیریز جتنے کی کوشش کریں گے۔

خیال رہے کہ بنگلا دیش کرکٹ ٹیم کی پاکستان آمد کا شیڈول تبدیل کیا جا چکا ہے، مہمان ٹیم آج خصوصی طیارے سے ڈھاکا سے براہ راست لاہور پہنچے گی، بنگلا دیش کے ڈائریکٹر کرکٹ اکرم خان اور چیف سلیکٹر بھی لاہور آئیں گے، مہمان ٹیم جمعرات کو قذافی اسٹیڈیم میں پریکٹس کرے گی، کپتان محمود اللہ جمعرات کو ٹرافی کی رونمائی کے بعد پریس کانفرنس کریں گے۔

اس سے قبل شیڈول کے مطابق بنگلا دیش ٹیم کو ٹی 20 سیریز کے لیے جمعرات کی صبح 10 بجے لاہور پہنچنا تھا۔

دوسری طرف لاہور پولیس نے پاک بنگلا دیش میچز کے لیے سیکورٹی پلان کو حتمی شکل دے دی ہے، سی سی پی او ذوالفقار حمید کی زیر صدارت سیکورٹی پر تعینات افسروں کے اجلاس میں تمام پولیس افسروں کو سیکورٹی پلان پر سختی سے عمل درآمد کی ہدایت کی گئی۔ سی سی پی او کا کہنا تھا کہ مہمان ٹیم کی قذافی اسٹیڈیم میں آمد و رفت کے وقت ٹریفک بند رہے گی، کرکٹ میچ کے دوران انکلوژرز میں بھی پولیس اہل کار تعینات ہوں گے۔

fb-share-icon0
Tweet 20

Comments

comments

یہ بھی پڑھیں