کپتان چپل کے بعد اب شیر چپل بھی میدان میں آگئی -
The news is by your side.

Advertisement

کپتان چپل کے بعد اب شیر چپل بھی میدان میں آگئی

پشاور: پشتون ثقافت اور روایت کی پہچان پشاوری چپل نے سیاست میں بھی اپنا رنگ جمانا شروع کردیا۔ کپتان چپل کی بے پناہ مقبولیت کے بعد اب وزیراعظم کے لئے شیر کی کھال کی چپل پیش کردی گئی۔

تفصیلات کے مطابق سیاسی حریف عید الفطر کی تیاری میں بھی حریف ہی نکلے، کپتان چپل کے بعد اب شیر چپل بھی میدان میں آگئی۔


chapal by arynews

تحریک انصاف کے سربراہ عمران خان کے ساتھ ساتھ مسلم لیگ ن کے سربراہ وزیر اعظم نواز شریف کے لئے بھی چپل تیار ہو گئی۔

وزیر اعظم میاں نواز شریف کے لئے شیر کی کھال سے خصوصی چپل تیار کی گئی ہے۔ جہانگیر صافی نے وزیر اعظم کے لئے شیر کی کھال سے چپل تیار کی ہے۔

چپل بنانے والے جہانگیر صافی کا کہنا ہے کہ شیر اور بکرے میں بھی کوئی مقابلہ ہوتا ہے بھلا؟ دوسری جانب عمران خان کیلئے چپل بنانے والے کاریگر کا کہنا ہے کہ عید پر کپتان کے لئے بکرے کی کھال سے خصوصی پشاور چپل تیار کی ہے ۔وہ اس سے پہلے بھی عمران خان کو پشاوری چپل تحفے میں دے چکے ہیں۔

اب دیکھنا یہ ہے کہ عید کی تیاریوں میں کپتان چپل بازی لے جاتی ہے یا پھر شیر چپل میدان مارتی ہے۔ فیصلہ عوام نے کرنا ہے۔

 

Comments

comments

یہ بھی پڑھیں