site
stats
پاکستان

بھارتی خفیہ ایجنسی’’را‘‘کو ایرانی مددکاتاثر نہ دیاجائے، چوہدری نثار

اسلام آباد : چوہدری نثار نے کہا ہے کہ بھارتی جاسوس کا معاملہ ایران سے نہ جوڑا جائے،ایران پاکستان مخالف سرگرمیوں میں ملوث نہیں،وفاقی وزیرداخلہ نےپڑوسی ملک کوکلین چٹ دے دی۔

اسلام آباد میں پریس کانفرنس کرتے ہوئے وفاقی وزیرداخلہ چوہدری نثار نے کہا کہ بھارتی ایجنٹ کلبھوشن یادیو کے معاملے پرپڑوسی ملک ایران کو کلین چٹ دے دی، چوہدری نثارکا کہنا تھا کہ ایرانی سفیرسےکل تفصیلی بات ہوئی،میڈیا میں ایران کی تضحیک پرایرانی سفیر کوتشویش تھی،ایرانی سفیر نےکہا لگتا نہیں پاکستان ایران برادرملک ہیں۔

چوہدری نثارنے کہا ایران پاکستان مخالف سرگرمیوں میں ملوث نہیں، جاسوس کامعاملہ پاک ایران تعلقات سے نہ جوڑیں، مشرف کی بیرون ملک روانگی پرچوہدری نثارنےکہا کہ مشرف کا نام سپریم کورٹ کےفیصلےپرای سی ایل میں ڈالا،ہم سے پہلے بھی پانچ سال ایک حکومت رہی ہے یہ صرف غداری نہیں انکی لیڈر کے قتل کا بھی کیس تھا، ایان علی کے لئے ان کے پاس وکلا ہیں،مشرف کے لئے ہمیں کہتے ہیں یہ کردیا وہ کردیا۔

چوہدری نثارنے کہا کہ وزیرداخلہ اوروزیراعلٰی کو رات کےاندھیرے میں آرمی چیف سے ملنے کی ضرورت نہیں،دن کی روشنی میں ملنے گئے تھے۔

اسلام آباد میں دھرنے سے متعلق چوہدری نثار نے کہا کہ دھرنے کی آگ کوٹھنڈا کرنے میں میڈیا نے اہم کردار ادا کیا، تین چارلوگوں نے سیاست چمکانے کے لیے ناموس رسالت ﷺکا غلط استعمال کیا۔

انہوں نے کہا کہ دھرنے والے ریڈزون میں کیسے آئے اس کی تحقیقات ہورہی ہیں، دھرنے کے معاملے پر صوبائی اور دارالحکومت کی انتظامیہ میں رابطے کا فقدان تھا، ہزاروں کے ہجوم کو روکنا ناممکن تھا۔

ان کا کہنا تھا کہ دھرنے والوں نے صوبائی حکومت سے کیے گئے معاہدے کی خلاف ورزی کی، دھرنے میں نفرت انگیز تقاریر اور توڑ پھوڑ کرنے والوں کے خلاف کارروائی کریں گے۔

وزیر داخلہ چوہدری نثار کہتے ہیں قومی کرکٹ اسٹارز پر الزام لگانے والے پہلے یہ سوچیں کہ انہوں نے ملک کی خدمت کی ہے،وقار یونس کی رپورٹ وزیر اعظم تک پہنچنے سے پہلے لیک ہوئی جس کی انکوائری کی سفارش کروں گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top