تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

کار بے قابو ہونے کے بعد اڑ کر مکان کی چھت میں گھس گئی

یوریکا: امریکی ریاست میسوری میں ایک علاقے میں لڑکوں نے کار بو قابو ہونے کے بعد ایک مکان کی چھت میں گھسا دی، مالک مکان کا بستر چند فٹ دوری پر اس کی زد میں آنے سے بچ گیا۔

تفصیلات کے مطابق ریاست میسوری کے چھوٹے سے شہر یوریکا میں ایک عجیب و غریب کار حادثہ پیش آیا، دو لڑکے گریجویشن پارٹی سے نکلنے کے بعد گھر جا رہے تھے کہ کار بے قابو ہو گئی، اور پھر وہ ہوا میں اڑتے ہوئے ایک گھر کی چھت میں جا گھسی۔

یہ حادثہ اتوار کو رات ڈیڑھ بجے پیش آیا، گھر کے مکین ابھی سو رہے تھے کہ اچانک چھت سے آفت نازل ہو گئی، انھوں نے دیکھا کہ ایک کار ان سے 6 فٹ کی دوری پر چھت پھاڑ کر آ گھسی ہے۔

دو لڑکے گریجویشن پارٹی سے سفید شیورولیٹ میلیبو میں گھر لوٹ رہے تھے، کہ کسی وجہ سے کار اچانک بے قابو ہو گئی، کار سڑک سے اتری اور مکانوں کی قطار کی طرف اس کا رخ ہو گیا، ایسے میں ایک ریمپ اس کے سامنے آ گیا، اور کار کئی چیزوں سے ٹکراتی ہوئی ایک گھر کی چھت میں جا گھسی۔

گاڑی اس بستر سے محض چھ فٹ دوری پر ٹھہر گئی تھی جس پر گھر کے مالکان سو رہے تھے، دونوں لڑکے صحیح سلامت گاڑی سے نکلے اور مزے سے چلتے ہوئے پہلے بیڈ روم سے اور پھر گھر کے مین دروازے سے باہر نکل گئے۔

رپورٹ کے مطابق اس حادثے میں کوئی بھی شخص زخمی نہیں ہوا، سب خوش قسمت رہے، شہر کے ڈپٹی چیف نے اپنے بیان میں کہا کہ بستر پر دو افراد تھے، جب کہ بچے نیچے سو رہے تھے، بڑا جانی نقصان ہو سکتا تھا لیکن سب محفوظ رہے۔

گھر کے رہائشی اور کار مالک سے متعلق ابھی میڈیا کو شناخت جاری نہیں کی گئی ہے، کہا گیا ہے کہ وہ انتظار کر رہے ہیں کہ انشورنس کمپنیاں ہونے والے نقصان سے متعلق معاملات طے کر لیں۔

Comments

- Advertisement -