کہا جاتا ہے کہ حادثہ کبھی بھی کہیں بھی رونما ہو سکتا ہے، ایسی ہی ایک دل دہلا دینے والی ویڈیو سوشل میڈیا پر وائرل ہوئی ہے۔
یہ ویڈیو ایک ہیئر کٹنگ سیلون کی ہے، جب دکان میں بال بنوانے کے لیے بیٹھے افراد پر اچانک قیامت ٹوٹ پڑی، واقعہ دکان میں لگے سی سی ٹی وی کیمرے میں محفوظ ہو گیا۔
ہم سب ہی جانتے ہیں کہ سڑکوں اور گلیوں میں گاڑی حادثے رونما ہوتے رہتے ہیں، اور ہم وہاں سے گزرتے ہوئے احتیاط بھی برتتے ہیں لیکن کون سوچ سکتا ہے کہ باربر شاپ میں بیٹھے افراد بھی کسی کار حادثے کا شکار ہو سکتے ہیں، یقیناً ایسی جگہ ایسے حادثے کے لیے نہایت غیر متوقع جگہ ہو سکتی ہے۔
فوٹیج میں دیکھا جا سکتا ہے کہ ایک سیلون کے اندر پانچ افراد موجود ہیں، دو کرسیوں پر بیٹھے بال بنوا رہے ہیں، جب کہ ایک شخص بینچ پر بیٹھا اپنی باری کے انتظار میں ہے۔
The last haircut 💀 pic.twitter.com/tVCBuGFcSN
— Vicious Videos (@ViciousVideos) January 29, 2023
اچانک کچھ غیر معمولی ہلچل ہوئی تو دکان کے اندر بیٹھے افراد چونک اٹھے، لیکن صورت حال اتنی تیز رفتاری سے تبدیل ہوئی کہ وہ خود کو ٹھیک سے نہیں بچا سکے۔
بینچ پر بیٹھا شخص تیزی سے اٹھا، کیوں کہ انھوں نے ایک بے قابو کار کو دکان کی طرف آتے دیکھ لیا تھا، اسی لمحے ایک سفید رنک کی کار گھس آئی اور اس شخص کو بری طرح زخمی کر گئی۔
اس حادثے میں دوسرے لوگ بھی زخمی ہوئے، جب کہ حادثے کے وقت وہ سبھی شدید صدمے میں آ گئے تھے۔
