The news is by your side.

Advertisement

نگراں وزیر اعظم کی زیر صدارت وفاقی کابینہ کا اجلاس، کیپیٹل ڈیویلپمنٹ اتھارٹی کے بجٹ کی منظوری

اسلام آباد: نگراں وزیر اعظم جسٹس ریٹائرڈ ناصر الملک کی زیر صدارت وفاقی کابینہ کا اجلاس ہوا جس میں کیپیٹل ڈیویلپمنٹ اتھارٹی کے بجٹ کی منظوری دے دی گئی۔

تفصیلات کے مطابق نگراں وزیراعظم جسٹس (ر) ناصر الملک کی زیر صدارت وفاقی کابینہ کے اجلاس میں کیپیٹل ڈیویلپمنٹ اتھارٹی کے بجٹ کی منظوری سمیت فنانشنل انسٹی ٹیوشن رولز دوہزار اٹھارہ کی بھی منظوری دے دی گئی۔

اجلاس میں نیشنل یونیورسٹی آف ٹیکنالوجی کو بزنس رولز انیس تہتر کے شیڈول ٹو میں شامل کرنے کی منظوری دی گئی جبکہ فنانشل انسٹی ٹیوشن رولز دو ہزار اٹھارہ کے تحت ایف آئی اے کو کسی بھی مالی معاملے کی تحقیقات کا اختیار ہو گا۔


نگراں وزیر اعظم کی زیر صدارت امن و امان سے متعلق اجلاس


وفاقی کابینہ کے اجلاس میں کیپیٹل ڈیویلپمنٹ اتھارٹی کے لیے مالی سال دوہزار اٹھارہ انیس کے بجٹ کی منظوری بھی دی گئ، اجلاس میں موجودہ رجسٹرڈ افغان مہاجرین کو قیام کے لیے تین ماہ توسیع دینے کا معاملہ بھی زیر غور آیا۔

علاوہ ازیں اس بات پر بھی اتفاق کیا گیا کہ افغان مہاجرین سے متعلق فیصلہ آئندہ منتخب حکومت کرے گی، وزیر خزانہ نے فنانشل ایکشن ٹاسک فورس کے اجلاس پر بھی کابینہ کو بریفنگ دی۔

خیال رہے کہ گذشتہ ہفتے نگراں وزیر اعظم ناصر الملک کی زیر صدارت امن وامان سے متعلق اجلاس میں گورنر، وزیر اعلیٰ اور آئی جی سندھ سمیت اعلیٰ حکام نے شرکت کی تھی اس موقع پر سیکیورٹی حکام کی جانب سے وزیر اعظم کو امن و امان سے متعلق بریفنگ دی گئی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں