The news is by your side.

Advertisement

علاؤ الدین مری آج شام نگراں وزیراعلیٰ بلوچستان کا حلف اٹھائیں گے

کوئٹہ : نگران وزیراعلیٰ بلوچستان علاؤ الدین مری آج حلف اٹھائیں گے، گورنر بلوچستان محمد خان اچکزئی نگراں وزیراعلیٰ سے حلف لیں گے۔

نگراں وزیراعلیٰ بلوچستان کی تقریب حلف برداری بھی آج ہوگی، گورنر ہاؤس کوئٹہ میں علاؤ الدین مری شام پانچ بجے حلف اٹھائیں گے، گورنر بلوچستان محمد خان اچکزئی نگراں وزیراعلیٰ سے حلف لیں گے۔

تقریب میں بلوچستان کی سیاسی وسماجی شخصیات شرکت کریں گی۔

یاد رہے کہ الیکشن کمیشن نے نگراں وزیر اعلیٰ کیلئے علاؤالدین مری کو نامزد کیا تھا، علاؤالدین مری کا کہنا تھا کہ شفاف اور بروقت الیکشن کیلئے کردار ادا کریں گے۔

خیال رہے کہ علاﺅ الدین مری سابق وزیراعلیٰ بلوچستان میر عبدالقدوس بزنجو کے دوست ہیں اور حکومت کی جانب سے ان کا نام نگراں وزیراعلیٰ کے لئے پیش کیا گیا تھا۔

علاﺅ الدین مری کون ہیں؟


بلوچستان کے نامزد نگراں وزیراعلیٰ علاﺅ الدین مری پیشہ کے اعتبار سے انجینئر اور کاروباری شخصیت ہیں ،جبکہ والد اہم سرکاری عہدوں پرفائز رہ چکے ہیں۔

علاﺅ الدین مری 1980میں مستونگ میں پیدا ہوئے، ابتدائی تعلیم انہوں نے تعمیرنو پبلک اسکول کوئٹہ سے حاصل کی ،اس کے بعد بلوچستان یونیورسٹی آف انجینئرنگ اینڈ ٹیکنالوجی خضدار سے بیچلر آف انجینئرنگ کی ڈگری حاصل کی، اس کے بعد علاﺅ الدین مری نے اپنا کاروبار شروع کیا۔

علاﺅ الدین مری زمانہ طالبعلمی میں بلوچ اسٹوڈنٹس آرگنائزیشن میں بھی سیاسی طور پر سرگرم رہ چکے ہیں۔

نامزد وزیراعلیٰ کے والد ایڈیشنل سیکرٹری منصوبہ بندی و ترقیات بلوچستان ریٹائر ہوچکے ہیں جبکہ اس کے علاوہ بھی وہ دیگر اہم سرکاری عہدوں پر فائز رہ چکے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں