تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

نگراں وزیراعلیٰ پنجاب کون؟ (ن) لیگ نے نام فائنل کرلئے

لاہور: مسلم لیگ (ن) نے نگراں وزیراعلیٰ پنجاب کے نام فائنل کرلئے۔

ذرائع کے مطابق مسلم لیگ (ن) نے طویل مشاورت کے بعد نگراں وزیراعلیٰ پنجاب کے لئے دو نام فائنل کرلئے۔

نون لیگ کی جانب سے نگراں وزیراعلیٰ کیلئے محسن نقوی ،احد چیمہ کانام دیا گیا ہے، اتفاق رائے کے بعد حمزہ شہباز نے نگراں وزیراعلیٰ پنجاب کےلیےنام گورنرکوبھجوادئیے۔

احدچیمہ وزیراعظم کےساتھ مختلف مقدمات میں شریک ملزم رہے، انہوں نے کرپشن کیسز میں بریت کے بعد گزشتہ سال جون میں سرکاری ملازمت سےریٹائرمنٹ لی تھی، جس کے بعداحد چیمہ کوشہباز شریف نےمشیروزیراعظم برائےاسٹیبلشمنٹ مقررکیا تھا۔

اس سے قبل نگراں وزیراعلیٰ پنجاب کے لئے حمزہ شہباز کے نامزد کردہ نمائندے ملک احمد نے بتایا تھا کہ ہمیں پرویز الٰہی کے نامزد کردہ ناموں پر کوئی اعتراض نہیں ہے۔

ملک احمد خان کا کہنا تھا کہ اپوزیشن کی جانب سے آج شام نام فائنل کرکے گورنر کو بھجوا دیئے جائیں گے، حمزہ شہباز کی جانب سے ان کی آئینی ذمہ داری آج شام تک لازمی ادا کر دی جائے گی۔

یہ بھی پڑھیں: ن لیگ کی نگراں وزیر اعلیٰ کیلئے نام بھیجنے کی پیشکش : احسن بھون نے معذرت کرلی

سپریم کورٹ بار کے سابق صدر احسن بھون نے نگراں وزیر اعلیٰ کیلئے نام بھیجنے کی ن لیگ کی پیشکش سے معذرت کرچکے۔

یاد رہے اس سے قبل وزیراعلیٰ پنجاب کی جانب سے نگراں وزیر اعلیٰ کے لئے تین نام بھیجے تھے ، جس میں سے ناصر سعید کھوسہ نے معذرت کرلی تھی۔

Comments

- Advertisement -