The news is by your side.

Advertisement

بھارت پڑوسی ملک کو استعمال کر کے دہشت گردی کی کارروائیاں کر رہا ہے، نگراں وزیرِ اعلیٰ بلوچستان

شہدا کے لواحقین کو فی کس 15 لاکھ اور شدید زخمیوں کے لیے 5 لاکھ روپے فی کس امداد کا اعلان

کوئٹہ: نگراں وزیرِ اعلیٰ بلوچستان علاؤ الدین مری نے کہا ہے کہ مستونگ واقعہ نیا نہیں، پچھلے واقعات کا تسلسل ہے، بھارت پڑوسی ملک کو استعمال کر کے دہشت گردی کی کارروائیاں کر رہا ہے۔

ان خیالات کا اظہار وہ میڈیا سے گفتگو کرتے ہوئے کر رہے تھے، انھوں نے اعلان کیا کہ حکومت کی جانب سے شہدا کے لواحقین کو فی کس 15 لاکھ اور شدید زخمیوں کے لیے 5 لاکھ روپے فی کس امداد دی جائے گی۔

نگراں وزیرِ اعلیٰ نے کہا کہ شہدا کا سفر جاری رہے گا، الیکشن اپنے وقت پر ہی ہوں گے، دہشت گرد الیکشن رکوانے میں کام یاب نہیں ہوں گے۔

علاؤ الدین مری نے کہا کہ ہم سیاسی جماعتوں سے رابطے میں ہیں، جہاں چاہیں کارنر میٹنگز کرسکتی ہیں، سیاسی جماعتوں کے لیے ضابطۂ اخلاق متعین ہے جس کی مکمل پاس داری کرائیں گے۔

آرمی چیف کی سراج رئیسانی کی نمازجنازہ میں شرکت، اہل خانہ سے ملاقات، زخمیوں‌ کی عیادت


انھوں نے بتایا کہ سانحہ مستونگ کی تحقیقاتی ٹیمیں کام کر رہی ہیں، دھماکے کی پہلے سے کوئی معلومات نہیں تھیں، انشاءاللہ مستونگ خود کش حملے کا بدلہ لے کر رہیں گے۔

نگراں وزیرِ اعلیٰ بلوچستان نے کہا کہ مستونگ دھماکے میں 130 افراد جاں بحق ہوئے، دہشت گردوں نے پیٹھ پر وار کیا ہے، سامنے سے آئیں تو ہم بھی تیار ہیں، ہم نے اپنےعمل سے دکھا دیا ہے کہ ہم ایک مضبوط قوم ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں