The news is by your side.

Advertisement

کوئی سیاسی وابستگی نہیں، الیکشن وقت پر ہوں‌ گے: نگراں وزیراعلیٰ بلوچستان علاؤالدین مری

امن وامان کی صورت حال بہتر بنانا ترجیح ہے، میرے لیے تمام سیاسی پارٹیاں محترم ہیں

کوئٹہ: نگراں وزیراعلیٰ بلوچستان علاؤالدین مری نے کہا ہے کہ میری کوئی سیاسی وابستگی نہیں، میرے لیے تمام سیاسی پارٹیاں محترم ہیں.

ان خیالات کا اظہار انھوں نے کوئٹہ میں ایک پریس کانفرنس میں کیا. نگراں وزیراعلیٰ بلوچستان کا کہنا تھا کہ شفاف انتخابات کرانے کے لئے الیکشن کمیشن کی مدد کروں گا.

علاؤالدین مری نے کہا کہ ووٹرزسےگزارش ہے کہ اچھے نمائندوں کا انتخاب کریں، امن وامان کی صورت حال بہتر بنانا ترجیح ہے، میرے لیے تمام سیاسی پارٹیاں محترم ہیں.

انھوں نے کہا کہ سیاسی پارٹیوں سے گزارش ہے کہ نفرت انگیز تقاریرسے اجتناب کیا جائے، کابینہ میں غیرسیاسی اور پڑھے لکھے لوگ شامل کروں گا، بلوچستان کی نگراں کابینہ محدود ہوگی.

انھوں نے مزید کہا کہ بلوچستان میں امیدواروں کو پتا نہیں کہ ان کے حلقے کہاں ہیں، بلوچستان میں حلقہ بندیوں سے متعلق کام تیز کیا جائے، عام انتخابات مقررہ وقت پرہوں گے.

یاد رہے کہ نگراں وزیراعلیٰ علاﺅ الدین مری پیشہ کے اعتبار سے انجینئر اور کاروباری شخصیت ہیں، جبکہ والد اہم سرکاری عہدوں پرفائز رہ چکے ہیں۔

علاﺅ الدین مری 1980میں مستونگ میں پیدا ہوئے، ابتدائی تعلیم انہوں نے تعمیرنو پبلک اسکول کوئٹہ سے حاصل کی ،اس کے بعد بلوچستان یونیورسٹی آف انجینئرنگ اینڈ ٹیکنالوجی خضدار سے بیچلر آف انجینئرنگ کی ڈگری حاصل کی، اس کے بعد علاﺅ الدین مری نے اپنا کاروبار شروع کیا۔


شفاف انتخابات کروانا ہماری ذمہ داری ہے: نگراں وزیر اعلیٰ سندھ


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں