The news is by your side.

Advertisement

غیرجانبدارالیکشن کیلئے الیکشن کمیشن سے تعاون کررہے ہیں، نگراں وزیرداخلہ

اسلام آباد : نگراں وزیرداخلہ اعظم خان نے کہا ہے کہ غیرجانبداراور شفاف الیکشن کیلئے الیکشن کمیشن سے بھرپور تعاون کررہے ہیں، پاک فوج کے اہلکار پولنگ اسٹیشن کے اندر اور باہر موجود ہوں گے۔

ان خیالات کا اظہار انہوں نے سینیٹ کے اجلاس میں من وامان کی صورتحال پر بریفنگ دیتے ہوئے کیا، نگراں وزیرداخلہ نے کہا کہ18ویں ترمیم کے بعد امن وامان کا قیام صوبائی حکومتوں کی ذمہ داری ہے اور وفاقی حکومت صوبوں سے مکمل تعاون کررہی ہے۔

الیکشن سے متعلق بات کرتے ہوئے ان کا کہنا تھا کہ وزارت داخلہ الیکشن کمیشن سے مکمل رابطے میں ہے، الیکشن کمیشن سے شفاف اور غیرجانبدار الیکشن کے انعقاد کیلئے تعاون کررہے ہیں، وزارت داخلہ نے ایک کو آرڈینیشن سینٹر قائم کیا ہے، الیکشن سے متعلق یہ سینٹر پورا ہفتہ کام کرتا ہے۔

اعظم خان کا مزید کہنا تھا کہ پر امن انتخات کیلئے 25جولائی کو ملک بھر کے پولنگ اسٹیشنز میں فوج کے جوان تعینات کئے جائیں گے، پاک فوج کے جوان پولنگ اسٹیشن کے اندر اور باہر موجود ہوں گے۔

نگراں وزیرداخلہ نے بتایا کہ سیاست دانوں کی سیکیورٹی کو یقینی بنایا جائے گا، انہیں پرائیویٹ گارڈز رکھنے کی بھی اجازت ہوگی،بعد ازاں سینیٹ کا اجلاس ہفتے کی صبح 10بجے تک کے لیے ملتوی کردیا گیا۔

واضح رہے کہ نگراں وزیرداخلہ اعظم خان نے ایک نجی چینل سے گفتگو میں کہا تھا کہ الیکشن مہم کے دوران پاکستان تحریک انصاف کے چیئرمین عمران خان اور جمعیت علمائے اسلام (ف) کے سربراہ مولانا فضل الرحمان اور پیپلز پارٹی کے چیئرمین بلاول بھٹو کی جان کو بھی خطرہ ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں