The news is by your side.

Advertisement

سندھ میں کورونا سے متاثرہ مریضوں کی تعداد 41ہزار سے تجاوز

کراچی : سندھ میں کورونا سے متاثرہ مریضوں کی تعداد 41ہزار سے تجاوز کرگئی جبکہ صوبے میں اموات کی تعداد 700 کے قریب پہنچ گئی ہے۔

تفصیلات کے مطابق ترجمان سندھ حکومت مرتضیٰ وہاب نے سماجی رابطے کی ویب سائٹ ٹوئٹر پر اپنے بیان میں کہا کہ سندھ میں کوروناسےمتاثرہ مریضوں کی تعداد 41ہزار سے تجاوز کرگئی، گزشتہ 24گھنٹےکےدوران مزید1748مریضوں میں کورونا کی تصدیق ہوئی۔

بیرسٹر مرتضیٰ وہاب نے بتایا کہ پچھلے 24گھنٹوں میں کورونا کے17مریض انتقال کرگئے، جس کے بعد مجموعی طور پر سندھ میں 696کورونا سے اموات کی تعداد 696 ہوگئی۔

ان کا کہنا تھا کہ سندھ میں 2لاکھ 46ہزار 517کوروناٹیسٹ کئے جا چکے ہیں جبکہ اب تک 19896مریض کورونا وائرس سے صحت یاب ہوچکے ہیں۔

اس سے قبل ترجمان سندھ حکومت مرتضیٰ وہاب نے ٹویٹ کرتے ہوئے کہا تھا کہ سندھ میں گزشتہ 24 گھنٹے میں کرونا وائرس کے 750 مریض صحتیاب ہوئے ہیں، جو افراد خود کو آئسولیٹ کر رہے ہیں اور مکمل آرام کر رہے ہیں ان کی صحتیابی کی شرح زیادہ ہے۔

خیال رہے کہ پاکستان کرونا کیسز کا گراف مزید بلند ہونے کے بعد کیسز کی تعداد کے لحاظ 213 ممالک میں دنیا کا 15 واں ملک بن چکا ہے، گزشتہ 24 گھنٹوں کے دوران ملک میں ریکارڈ 105 اموات ہوئی ہیں۔

گزشتہ 24 گھنٹوں کے دوران کرونا وائرس کے 4 ہزار 646 نئے کیسز سامنے آئے ہیں جس کے بعد مجموعی کیسز کی تعداد 1 لاکھ 8 ہزار 317 ہوچکی ہے۔

اب تک کرونا وائرس سے 2 ہزار 172 اموات ہوچکی ہیں جبکہ 35 ہزار سے زائد مریض صحتیاب ہوچکے ہیں۔

Comments

یہ بھی پڑھیں