The news is by your side.

Advertisement

کورونا وائرس ، سندھ میں آن لائن فوڈ ڈیلیوری کرنیوالوں کیلیے ہدایات جاری

کراچی: سندھ فوڈ اتھارٹی نے کورونا کے پیش نظر آن لائن فوڈ ڈیلیوری کرنیوالوں کیلیے ہدایات جاری کردیں ، جس میں انھیں ہاتھ دھونے ، سماجی فاصلے رکھنے اور ماسک استعمال کرنے کا پابند کیا گیا ہے۔

تفصیلات کے مطابق سندھ فوڈ اتھارٹی کی جانب سے آن لائن فوڈ ڈیلیوری کیلئے ہدایات جاری کر دی گئی ہے، جس میں کہا گیا ہے کہ فوڈ ڈیلیور کرنیوالے پہلے صابن، گرم پانی سے20سیکنڈ ہاتھ دھوئیں گے اور ملازم بائک کاہینڈل، فوڈ والے بیگ کو مکمل ڈس انفیکٹنٹ کرےگا۔

جاری ہدایات میں کہا گیا فوڈ وصول اور ڈیلیور کرنے سے پہلے اور بعدمیں ہاتھ سینیٹائزسےصاف کرےگا جبکہ فوڈ ڈیلیوراور ریسیو کرنے والا سماجی فاصلے پر کھڑے ہوں گے۔

سندھ فوڈاتھارٹی کا کہنا ہے کہ 55 سال سے زائد افراد پرفوڈ ڈیلیور کرنےپر پابند ی ہوگی، فوڈ ڈیلیور کرنے والا ماسک بھی استعمال کرے گا، اگر ڈیلیوری بوائے کو نزلہ کھانسی زکام یادیگربیماری ہے تو فوری سپر وائزر کو اطلاع دے ، اس کے علاج کی ذمہ داری متعلقہ انتظامیہ پر ہوگی۔

ہدایت دی گئی ہے کہ تمام فوڈ ڈیلیور ملازمین کا ہر ڈیلیوری کے بعد درجہ حرارت چیک کیا جائے اور ڈلیوری کرنے والا حفظان صحت کے اصولوں کی مکمل پابندی کریں۔

Comments

یہ بھی پڑھیں