سائنسدانوں کے مطابق گاجروں میں موجود ایک جز جس سے کیروٹینائیڈز بنتے ہیں، نہ صرف وٹامن اے کا ایک اہم ذریعہ ہے بلکہ یہی وہ پگمنٹ ہے جو کئی سبزیوں میں اور پھلوں میں گہرا سرخ یا نارنجی رنگ پیدا کرتا ہے۔
تحقیق میں بتایا گیا کہ وٹامن اے کی کمی عالمی صحت کے لیے ایک بڑا چیلینج ہے۔ کیروٹینائیڈز کی زیادہ مقدار وٹامن اے کی کمی کو پورا کرنے میں مدد دے گی۔
تحقیق کے مطابق اس پگمنٹ کی دریافت سے اب یہ ممکن ہوگیا ہے کہ گاجروں کی افزائش کو بڑھایا جائے تاکہ اس عالمی چیلینج سے نمٹا جاسکے۔ گاجروں میں بیٹا کیروٹین بھی پایا جاتا ہے جو ایک ایسا مادہ ہے جسے جسم قدرتی طور پر وٹامن اے میں بدل سکتا ہے۔ جتنا زیادہ گاجر کا رنگ گہرا ہوگا اتنی ہی زیادہ مقدار میں اس میں بیٹا کیروٹین موجود ہوگا۔
وٹامن اے جسم کی نارمل افزائش اور مدافعتی قوت کے صحیح طور پر کام کرنے میں مدد فراہم کرتا ہے۔
