site
stats
عالمی خبریں

کشمیریوں پر ظلم و ستم، ایمنسٹی انٹرنیشنل انڈیا کیخلاف بغاوت کا مقدمہ درج

کرناٹک : مقبوضہ کشمیر میں جاری ظلم وستم کے موضوع پر کرناٹک میں مباحثے کا انعقاد کرنے پر انسانی حقوق کی عالمی تنظیم ایمنسٹی انٹرنیشنل انڈیا کے خلاف بغاوت کا مقدمہ درج کردیا گیا ہے۔

بھارت کی ہٹ دھرمی برقرار ہے، کشمیریوں پر ظلم و ستم کے موضوع پر مباحثے میں بھارت کیخلاف نعرے لگ گئے، بھارت نے انسانی حقوق کی عالمی تنظیم ایمنسٹی انٹرنیشنل انڈیا کیخلاف بغاوت کا مقدمہ درج کردیا۔

بھارتی میڈیا کے مطابق ایمنسٹی انٹرنیشنل انڈیا کے خلاف بغاوت سمیت انڈین پینل کوڈ آئی پی سی کی دفعات کے تحت مقدمہ درج کیا گیا، جس میں انسانی حقوق کی عالمی تنظیم پر الزام عائد کیا گیا کہ مباحثے میں بھارت مخالف نعرے لگائے گئے۔

دو روز قبل ریاست کرناٹک کے شہر بنگلور میں واقع یونائیٹڈ تھيولوجیكل کالج میں ایمنسٹی انٹرنیشنل کی طرف سے انسانی حقوق کی خلاف ورزی پر ایک مباحثے کا انعقاد کیا گیا تھا، بحث کے دوران طالب علموں کے ایک گروپ نے بھارت مخالف نعرے لگائے، جس کے بعد کچھ طالب علموں نے ان کی مخالفت کی اور دونوں گروپوں میں جھگڑا ہوگیا۔

حکمران جماعت بھارتیہ جنتا پارٹی کے کارکنوں نے بھارت مخالف نعرے لگائے جانے کے خلاف احتجاج کیا اور ایمنسٹی انٹرنیشنل انڈیا کے خلاف مقدمہ درج کروایا۔

پولیس نے انسانی حقوق کی تنظیم کے خلاف ایف آئی آر درج کرنے کے بعد تحقیقات کا آغاز کردیا ہے۔

یاد رہے کہ گذشتہ ماہ 8 جولائی کو حزب المجاہدین کے کمانڈر برہان وانی کی ہلاکت کے بعد بھارت کے زیر انتظام کشمیر کے کئی علاقوں میں کرفیو نافذ ہے، اس دوران مظاہروں اور احتجاج میں بھارتی فورسز کی فائرنگ سے اب تک تقریباً 60 سے زائد کشمیری ہلاک جبکہ ہزار سے زائد زخمی ہوچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top