فلم سلطان کے ہدایتکار، سلمان‌ خان اور انوشکا کیخلاف مقدمہ درج -
The news is by your side.

Advertisement

فلم سلطان کے ہدایتکار، سلمان‌ خان اور انوشکا کیخلاف مقدمہ درج

ممبئی: دبنگ خان کی نئی فلم ”سلطان“ کی کہانی چوری کرنے پر سلمان خان ، اداکارہ انوشکا شرما اور ہدایت کار علی عباس کے خلاف مقدمہ درج کر لیا گیا ہے۔

تفصیلات کے مطابق بالی ووڈ اسٹار سلمان خان کی فلم ”سلطان“ نے باکس آفس پر دھوم مچا رکھا ہے اور فلم نے 6 دن میں ہی 200 کروڑ سے زائد کا بزنس بھی کرلیا ہے لیکن ایک تنازعہ نے فلم سازوں اور کاسٹ کو پریشان کردیا ہے۔

sultan 1

بھارتی میڈیا رپورٹس کے مطابق بھارتی ریاست بہار کے شہری صابر انصاری نے فلم سلطان کے ہدایت کار علی عباس، اداکار سلمان خان اوراداکارہ انوشکا شرما کے خلاف فلم کی کہانی چرانے پر مقدمہ درج کرادیا۔

sultan 2

جس میں مؤقف اختیار کیا گیا ہے کہ فلم کی کہانی شروع سے آخر تک ان کی زندگی پر مبنی ہے جب کہ فلم میں مرکزی کردار ادا کرنے والے سلمان خان اور ہدایت کار علی عباس نے 2010 میں میری زندگی پر فلم بنانے کا کہا تھا، جس کے لئے 20 کروڑ روپے رئیلٹی کی مد میں دینے کا وعدہ بھی کیا تھا۔

sultan 3

درخواست گزار نے کہا کہ فلم کی ہدایت کار کو رئیلٹی کی رقم نہ دینے پر فلم بنانے سے منع کردیا تھا جس کے باوجود میری زندگی پر فلم بنائی گئی ہے۔

sultan 4

جوڈیشل مجسٹریٹ کی عدالت نے مقدمے کی سماعت 12 جولائی تک ملتوی کرتے ہوئے سلمان خان، انوشکا شرما اور فلم کے ہدایت کار علی عباس کو نوٹسز جاری کردیئے ہیں۔

واضح رہے علی عباس ظفر کی سلطان میں سلمان خان اور خوبرو اداکارہ انوشکا شرما نے مرکزی کردار ادا کیے ہیں

Comments

comments

یہ بھی پڑھیں