The news is by your side.

پی ٹی آئی ممنوعہ فنڈنگ کیس میں پاکستانی خاتون کو غیر ملکی ظاہر کرنے کا معاملہ، حکومت اور الیکشن کمیشن سے جواب طلب

لاہور : ہائی کورٹ نے پی ٹی آئی ممنوعہ فنڈنگ کیس میں پاکستانی شہری خاتون کو غیر ملکی ظاہر کرنے کے معاملے حکومت اور الیکشن کمیشن سے جواب طلب کرلیا۔

تفصیلات کے مطابق لاہور ہائی کورٹ میں پی ٹی آئی ممنوعہ فنڈنگ کیس میں پاکستانی شہری خاتون بینش سلیم کو غیر ملکی ظاہر کرنے کے معاملے پر سماعت ہوئی۔

الیکشن کمیشن کی جانب سے جواب جمع کرایا ، جس میں کہا کہ بینش سلیم کے غیرملکی ہونے کی حد تک لاہور ہائیکورٹ نے فیصلہ دےدیاہے، جس میں بینش سلیم کو غیر ملکی ظاہر کرنے کا فیصلہ کالعدم قرار دے دیا۔

الیکشن کمیشن کا کہنا تھا کہ بینش سلیم کےفنڈرکوضبط نہیں کیاگیا ، جس پر وکیل درخواست گزار نے کہا کہ الیکشن کمیشن نے میرےفنڈز ضبط کررکھے ہیں۔

خاتون نےممنوعہ فنڈنگ کیس میں غیرملکی قراردینےکوہائیکورٹ میں چیلنج کر رکھا ہے۔

جس میں کہا ہے کہ پاکستانی شہری ہوں الیکشن کمیشن نے پی ٹی آئی فنڈنگ کیس میں غیر ملکی ظاہر کیا، الیکشن کمیشن نے کیس میں غیر ملکی ظاہر کر کے فنڈزضبط کر لیے، عدالت الیکشن کمیشن کا فیصلہ کالعدم قرار دے

عدالت نےسماعت 3ہفتوں تک ملتوی کرتے ہوئے حکومت سے جواب طلب کرتے ہوئے آئندہ سماعت درخواست گزارسے بھی جواب الجواب طلب کرلیا۔

Comments

یہ بھی پڑھیں