The news is by your side.

سابق سیکریٹری ایکسپورٹ پروسیسنگ زون اور اہلیہ کا قتل، بیٹے کی مدعیت میں مقدمہ درج

کراچی : پولیس نے سابق سیکریٹری ایکسپورٹ پروسیسنگ زون اور ان کی اہلیہ کے قتل کا کا مقدمہ بیٹے کی مدعیت میں درج کرلیا۔

تفصیلات کے مطابق کراچی کے علاقے اسکیم 33 میں ایک گھر میں میاں بیوی کے قتل کا مقدمہ بیٹے کی مدعیت میں درج کرلیا گیا۔

مدعی مقدمہ نے بیان میں کہا کہ میں اپنے دو دوستوں کے ہمراہ چائے پینے گھر سے باہر ہوٹل پرگیا تھا، ڈیڑھ بجےگھر واپس آیا اور دروازے پر دستک دی تو اندر سے والدہ نے کھولا۔

بیٹے نے بتایا کہ میں اپنے کمرے میں چلا گیا اور امی بھی اپنے کمرے میں چلی گئیں، صبح ساڑھے 12 بجے امی کےکمرے میں گیا تو والدہ مردہ حالت میں تھیں۔

جس کتے بعد شور مچایا والد کو دیکھنے گیا تو وہ بھی کچن کے اندر مردہ حالت میں تھے، پھر گھر سے باہر نکلا اور اپنے کزن محمد علی ولد محمد سلیم کو فون کیا، کزن نے 15 مددگار پولیس کو اطلاع دی ،اہل محلہ اورپولیس پہنچ گئی۔

پولیس کا کہنا ہے کہ جائے وقوعہ کامعائنہ کرنے کے بعد تفتیشی ٹیم نے شواہد اکٹھے کرلئے، مقتولین میاں بیوی کو تیز دھار آلے کے ساتھ قتل کیا گیا۔

یاد رہے کراچی کے علاقے اسکیم 33 زہرا نگر میں گھر سے سابق سیکریٹری ایکسپورٹ پروسیسنگ زون ظہور احمد اور ان کی اہلیہ نگہت سلطانہ کی خون میں لت پت لاشیں ملی تھیں۔

Comments

یہ بھی پڑھیں