The news is by your side.

Advertisement

اسلام آباد : ملزمان کی فائرنگ سے 2 پولیس اہلکاروں کی شہادت کا مقدمہ درج

اسلام آباد : وفاقی پولیس کے 2 اہلکاروں  کی شہادت  کا مقدمہ درج کرلیا گیا ، نامعلوم موٹرسائیکل سوار ملزمان کی فائرنگ سے 2اہلکار شہید ہوئے تھے۔

تفصیلات کے مطابق اسلام آباد میں نامعلوم ملزمان کی فائرنگ سے شہید 2 پولیس اہلکاروں کا مقدمہ تھانہ شمس کالونی میں درج کرلیا گیا ، ایف آئی آرتھانہ شمس کالونی کےایس ایچ اوغلام نبی کی مدعیت میں دہشت گردی ،قتل کی دفعات کے تحت درج کی گئی۔

ایف آئی آر میں کہا گیا کہ 4موٹر سائیکل سواروں نے پولیس اہلکاروں پر فائرنگ کی، ملزمان کی فائرنگ سے 2اہلکار شہید ہوئے جبکہ ملزمان فائرنگ کرتے ہوئے موقع سے فرار ہوگئے تھے۔

گذشتہ رات اسلام آباد آئی جے پرنسپل روڈ کے قریب مسلح ملزمان نے ایگل اسکواڈ کے اہلکاروں پر اندھا دھند فائرنگ کردی تھی ، جس کے نتیجے میں 2 اہلکار شہید ہوگئے، شہید پولیس اہلکاروں میں بشیر اور اشتیاق شامل تھے۔

وزیر داخلہ شیخ رشید نے پولیس اہلکاروں پر فائرنگ کا نوٹس لیتے ہوئے آئی جی اسلام آباد سے واقعے کی رپورٹ طلب کرلی۔

شیخ رشید نے شہید اہلکاروں کے لواحقین سے اظہار ہمدردی کرتے ہوئے کہا کہ فائرنگ کے واقعے میں ملوث ملزمان کو جلد گرفتار کیا جائے۔

Comments

یہ بھی پڑھیں