The news is by your side.

کراچی : احاطہ عدالت میں پسند کی شادی کرنے والی لڑکی کا والد کے ہاتھوں قتل، مقدمہ درج

کراچی : احاطہ عدالت میں پسند کی شادی کرنے والی لڑکی کے والد کے ہاتھوں قتل کا مقدمہ درج کرلیا گیا۔

تفصیلات کے مطابق پسند کی شادی پر بیٹی کو احاطہ عدالت میں قتل کے واقعے کا مقدمہ درج کرلیا گیا۔

مقدمے کے متن میں کہا گیا کہ مقتولہ حاجرہ کے والد امیر جان نے سٹی کورٹ میں فائرنگ کی، فائرنگ سےحاجرہ جاں بحق،واجد اور اہلکارعمران زخمی ہوا۔

گذشتہ روز سٹی کورٹ کے احاطے میں فائرنگ کا واقعہ پیش آیا تھا، جس کے نتیجے میں پسند کی شادی پر بیان ریکارڈکرانے کیلئے آنیوالی لڑکی جاں بحق ہوگئی تھی۔

کورٹ میرج کے بعد لڑکی اپنا بیان ریکارڈ کرانے کیلئے سٹی کورٹ آئی تھی والد نے فائرنگ کرکے قتل کردیا۔

ایس ایس پی شبیر سیٹھار نے بتایا تھا کہ مقتولہ کا آبائی تعلق وزیرستان سے تھا، لڑکی نے گاؤں میں ڈاکٹر سے پسند کی شادی کی تھی۔

حکام کا مزید کہنا تھا کہ خاتون پیر آباد سے عدالت میں 164 کا بیان ریکارڈ کرانے آئی تھی، لڑکی کے باپ نے 3 فائر کیے، 2 گولیاں خاتون کو لگیں، جس کے باعث موقع پر لڑکی کی موت واقع ہوگئی۔

Comments

یہ بھی پڑھیں