The news is by your side.

کراچی : ڈاکوؤں کے ہاتھوں نوجوان کا قتل، مقدمہ درج

کراچی : شارع فیصل پرعوامی مرکز کے قریب نوجوان عفان اویس کے قتل کے واقعے کا مقدمہ درج کرلیا گیا۔

تفصیلات کے مطابق کراچی کے علاقے شارع فیصل پرعوامی مرکز کے قریب شہری کے قتل کے واقعے کا مقدمہ درج کرلیا گیا۔

پولیس کا کہنا ہے کہ تحقیقات شروع کر دی گئی ہے ، مقتول عفان اویس کو اتوار کو عمرے کیلئے جانا تھا۔

حکام نے بتایا کہ جائےوقوعہ سےسی سی فوٹیج حاصل کی جارہی ہیں، کچھ افراد نےملزمان کوواردات کرتے دیکھا ہے، عینی شاہدین کی مدد سے ملزمان کے خاکے بنوائیں گے۔

پولیس کے مطابق ملزمان پینٹ شرٹ پہنےہوئےتھے جبکہ جائے وقوعہ سے ایک نائن ایم ایم پستول کا خول ملاہے، جسے فرانزک کیلئے بھیج دیا گیا۔

یاد رہے ہفتے کی شب شاہراہ فیصل عوامی مرکز کے قریب ڈاکوؤں نے مزاحمت پر عثمان نامی نوجوان کو سر پر گولی مار کر قتل کردیا تھا، مقتول کی دو ماہ قبل شادی ہوئی۔

واضح رہے کہ رواں سال کےدوران اسٹریٹ کرائم میں جاں بحق افراد کی تعداد79 ہوگئی ہے۔

Comments

یہ بھی پڑھیں