اسلام آباد : سوشل میڈیا پرہتک آمیزاوراشتعال انگیز بیانوں پر12 ملزموں کے خلاف ایف آئی آر درج کرلی گئی، شرپسندوں کا تعلق کراچی، سانگھڑ، کوئٹہ، پشین، قلعہ عبداللہ اورسوات سے ہے۔
تفصیلات کے مطابق سوشل میڈیا پر اشتعال انگیزی کرنے والوں کیخلاف قانون بھی حرکت میں آگیا اور حکومت اور ریاستی اداروں کے حوالے سے پروپیگنڈا کرنے والوں کے خلاف سخت ایکشن شروع کر دیا گیا ہے۔
ہتک آمیز اور اشتعال انگیز بیانات پر بارہ ملزمان کیخلاف ایف آئی آر درج کرلی گئی، شرپسندوں کا تعلق کراچی، سانگھڑ، کوئٹہ، پشین، قلعہ عبداللہ اورسوات سے ہے۔
ملزمان ہتک آمیز، بغاوت پر اکسانے اور ریاستی اُمور میں خلل ڈالنے کی سرگرمیوں میں ملوث پائے گئے ہیں۔
اسی طرح کے دیگر شرپسند عناصر کیخلاف بھی سخت قانونی کارروائی کا فیصلہ کرلیا گیا ہے۔
خیال رہے اسلام آباد میں فائنل احتجاج کے بعد ریاست اور سکیورٹی اداروں کیخلاف سوشل میڈیا پر ہتک آمیز مہم شروع کی گئی تھی۔
