The news is by your side.

Advertisement

نوازشریف کی آمد پر ریلی، لیگی رہنماؤں کے خلاف مقدمات درج

لاہور: مسلم لیگ ن کے صدر اور سابق وزیر اعلیٰ شہباز شریف سمیت دیگر لیگی رہنماؤں کے خلاف مختلف تھانوں میں مقدمات درج ہوگئے۔

تفصیلات کے مطابق نیب عدالت سے سزا یافتہ مجرم نوازشریف اور اُن کی صاحبزادی کے استقبال کیلیے ریلی نکالنے اورقانون ہاتھ میں لینے والوں کے خلاف پنجاب کے مختلف تھانوں میں مقدمات درج ہوگئے۔

مسلم لیگ ن کے صدر شہباز شریف، جاوید ہاشمی، سابق صوبائی وزیرقانون پنجاب رانا ثناء اللہ، جاوید ہاشمی سمیت دیگر رہنماؤں و کارکنان کے خلاف مقدمات درج ہوئے۔

مسلم لیگ کے صدر ، جاوید ہاشمی کے خلاف لاہور کے تھانے لاہوری میں مقدمہ درج ہوا جس میں دہشت گردی، اقدام قتل، ہنگامہ آرائی کی دفعات شامل کی گئی ہے۔

مقدمے میں سائرہ افضل تارڈ، سینیٹر مشاہد حسین، راجہ ظفر الحق، طلال چوہدی کو بھی نامزد کیا گیا جبکہ رانا ثنا اللہ سمیت دیگر رہنماؤں و کارکنان کے خلاف فیصل آباد کے مختلف تھانوں میں 20 مقدمات درج ہوئے۔

ایف آئی آر میں کار سرکار میں مداخلت،پولیس کودھمکیاں، ہاتھا پائی کے الزامات عائدکئے گئے، گجرات میں مجرم نوازشریف کے استقبال کےلئے جانے والے متعدد لیگی کارکنان کے خلاف مقدمات درج کئےگئے جن میں پولیس مقابلہ املاک کو نقصان اور سڑک بلاک کرنے کی دفعات شامل کی گئیں۔

علاوہ ازیں ساہیوال میں ہونے والی ہنگامہ آرائی پر مسلم لیگ کے کارکنوں سمیت اکتالیس افرادکے خلاف مقدمہ درج کیاگیا، جس میں ملک ندیم کامران، 2 سابق اراکین اسمبلی اور ایک سابق صوبائی اسمبلی کے رکن شامل ہیں۔

واضح رہے کہ گزشتہ روز قومی احتساب عدالت کی جانب سے سزایافتہ مجرم نوازشریف اور مریم نواز وطن واپس پہنچے تو مسلم لیگ ن کے صدر اور پارٹی کے دیگر رہنماؤں نے پنجاب کے مختلف علاقوں میں ریلیاں نکالی تھیں۔


خبر کے بارے میں اپنی رائے کا اظہار کمنٹس میں کریں مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں